الصفحة الرئيسية > أجمل أبيات الشعر العامي > عين جرحي
عين جرحي
غصب على عين جرحى أقبل أعذارك
وأسامحك لو نهتني عزتي دونك
كثر الخطايا بحقي زاد مقدارك
مع كل هذا وأخاف إتخونك ظنونك
لا ترتبك لا تحاول تفضح أسرارك
أقراك كلك على بعضك من عيونك
(علي مساعد)
من اللي يسلفني شعور السعاده
وأهديه عشر سنين من عمري الجاي
لولا التشبث بالأمل والإرآده
لقيتني مجنون رسمي وبكاي
أحس أن بكره مجرد إعاده
لليوم واللي قبله وهذي دنياي
الألوآن واجد بس كل شي ساده
العيب في الألوان وإلا فرؤياي
أنا حزين إن الحزن صار عاده
ياليتني مخطي وأعرف وش خطاياي
أهديت للدنيا قصيد وسعاده
لكنها ما رجعت لي هداياي
(سعد علوش)
التعليقات