مشاركات بواسطة فيصل

اخاف اقول انك وحشتيني

اخاف اقول انك وحشتيني
وانا اللي اوحشوني كلهم راحوا
ياجوريٍ تمايل به بساتيني
أعيديني تعبت لناسٍ ارتاحوا
حياتي وحدة وهالموت موتيني
اليا غزّوا نصايب قبري وشاحوا
وليا مني فقدت ولا فقدتيني
ولا صحتي ليا من العرب صاحوا
انا وليدك لو انك ما ولدتيني
ياكثر الواقفين بوقفتي طاحوا
(رضا حليس الرويلي)

كذبة ونصها صدق

مايذبح الا كذبةٍ ونصها صِدق
ولا خير من حكي القِدا كود قول اص
(رضا حليس الرويلي)

يا ما ترضيتك

ياما ترضيتك ..كم قلت لك إرض
مع أنك أنت اللي تِسَبّب بهوّه
لا والذي وطّن تحت رجلنا الأرض
مالك سما واجمل علومك مشَوَه
فقري اعرفه..قرض واسده بقرض
والا المروّة مرتوي بالمروّة
(رضا حليس الرويلي)

واصحاب الأمس

واصحاب الامس اللي نسونا.. الغايبين الحاضرين
علمهم اني ما التفت لغصنها واوراقها
علم وقل للحاضرين يعلمون الغايبين
ان الأمم اخلاق تبقى ما بقت اخلاقها
وقل للوسيم المترف اللي كان مين وصار مين
اللي بدا يعرف بعيرتها ويعرف ناقها
لو يجتمع شعر الفرزدق مع أدب طه حسين
ما ترتفع روسٍ تلفِّتها سبب دِنّاقها
(ضيدان بن قضعان)

وانا طموحي

‏واكثر مشاريه الشجر عليك يا فصل الخريف
‏هتكت ستر غصونها واسرفت في كِلاّفها
‏وانا جويع وجوعي مواصل..ماهو قطعة رغيف
‏وعيني من الفرقا حداها الهم عن محرافها
‏وانا طموحي للثقال من الجواهر يالخفيف
‏ماني بأدور عملة ماينعرف صرّافها
(محمد ابن الذيب)

أثريت مجداً

أَثرَيتُ مَجداً فلَم أَعبَأ بِمَا سلَبَت
أَيدِي الحَوادِثِ مِنِّي فَهو مُكتسَبُ
لا يَخفِضُ البُؤسُ نَفساً وهيَ عَالِيَةٌ
ولا يُشِيدُ بِذِكرِ الخَامِلِ النَّشَبُ
إِنِّي امرؤٌ لا يَردُّ الخَوف بادِرَتِي
ولا يَحِيف عَلَى أَخلاقِيَ الغَضَبُ
مَلَكتُ حِلمي فَلَم أَنطِق بِمُندِيَةٍ
وصنتُ عِرضِي فَلَم تعلَق بِهِ الرِّيَبُ
ومَا أُبَالي ونَفسِي غَير خاطِئَةٍ
إِذا تخَرَّصَ أَقوامٌ وإِن كَذَبُوا
(محمود سامي البارودي)

صديق الوفاء

صديقي له البيضاء على النايف المنزاح
وله البحر والمركب والأمواج والغبه
الحِّفه بالرفقة اذا ما هبوبٍ لاح
واقدره واثمن مواقفه .. وأحبه
من الهيبة إليا اقبل تقول في يديه سلاح
يا ويل المكان اللي على غَفلة يطبّه
(ياسر التويجري)

الاخو ..

واخوي يا اللي يم (قارَة خَفَا) فَات
من عاد من عقبة بيستر خَمَالي؟
ليته كِفاني سُو بقعا ولا مات
وانا كفيته سُو قبرٍ هَيالي
وليته مع الحيين راعي الجمالات
وانا فداً له من غبون الليالي
وآ اخوي يا للي يوم الاخوان فَلاّت
من خِلقته ما قال ذا لك وذا لي
(شالح بن هدلان)

ياعين لا تبكين

ياعين لا تبكين ترى البكا عيب
حتى ولو صكَّات بقعاء قوية
و يارِجل لو جْبارتِك للعراقيب
عدَّاية المشراف حقك عليه
لابد ماتجبر كسورك وانا اطيب
بإذن الله الرحمن رب البريه
من طلعتي لين امتلا عارضي شيب
وانا ورا الهقوات عيني شقية
أغوص غِبّات البحر نكس واجيب
غناة نفس من صباها غنية
مانيب من يقنع بهزل المكاسيب
ولانيب من يجزي الحساني بسيه
(ضيدان بن قضعان)

كيف؟

‏كيف ماتذهل شفايفك من ذايب لماك
‏وكيف ماتشهق مراياك لا قابلتها
‏وكيف مايفتن بلينك وقدّك ماكساك
‏وكيف ماتبكي وسايدك لابدلتها
‏(علي المفضي)