الصفحة الرئيسية > أجمل أبيات الشعر العامي > تضيع الهقاوي
تضيع الهقاوي
تضيع الهقاوي فالبشر والأمل ما ضاع
تهاوا صخور الضلع ما طاحت القمة
فلا تضيق يا صدري مدام الفجوج وساع
ولا تحيد ياقلبي ولا تضيع اليمه
ترا الناس ماترحم على طيحة الفزاع
ولاغرك ان الناس بالناس مهتمه
ولا ينثني عزمك ولا تشتكي الاوضاع
لي ذميت فالاشخاص فالوقت لاتذمه
(سعيد بن مانع)
لا تسمي صمتي البارح .. غـرور
إنكساري خلف هالصمت امتواري
في غياب الشمس وش ذنب الزهـور
و المطر لا شح وش ذنب الصحاري؟
اللقا لحظات و الغيبه شهور
تقصر الخطوات و يطول انتظاري
لو قريت المنكتب بين السطور
ما كتبت لغلطة العمر اعتذاري
صمت هالمينا.. مثل صمـت القبور
ما رسى مركب..ولا لاحت صواري
(متعب التركي)
التعليقات