الصفحة الرئيسية > أجمل أبيات الشعر العامي > محطة قطارات
محطة قطارات
يمه طلبتك والغلا ما بعد مات
وش هو لذيذ النوم يا ذاكرينه
قالت: زعيم الشوق يضرب غرامات
مشتاق والمشتاق.. ربي يعينه
صدرك غدى كنه محطة قطارات
سقفه خشب بدموعنا داهنينه
في كل ركنٍ منه تلقى حكايات
هنا مطيح اللي ملى الدمع عينه
وهناك وردة عينها للسماوات
ترجي كَرم مزنة لو الورد زِينه
وهناك بنتٍ يتمّتها الطموحات
عاشت تبي حلم وغدت به سجينه
وقلبك غدى صالة قدوم المطارات
مليان شوق وناس ماتت غبينه
(يوسف السالمي)
4byt.com
حاولت أطول صدتي عنك وازريت
طاوعت بك قلبي وعقلي عصيته
وعن كل غلطاتك سمحت وتغاضيت
شيءٍ تناسيته وشيءٍ نسيته
وجيت اتعذر منك ما كنك اخطيت
يا فاتني عنك العزا ما قويته
سلمت لك روحٍ عليها تجنيت
بسياج وهـمٍ دون وصلك بنيته
(الحميدي الحربي)
التعليقات