الصفحة الرئيسية > أجمل أبيات الشعر العامي > محطة قطارات
محطة قطارات
يمه طلبتك والغلا ما بعد مات
وش هو لذيذ النوم يا ذاكرينه
قالت: زعيم الشوق يضرب غرامات
مشتاق والمشتاق.. ربي يعينه
صدرك غدى كنه محطة قطارات
سقفه خشب بدموعنا داهنينه
في كل ركنٍ منه تلقى حكايات
هنا مطيح اللي ملى الدمع عينه
وهناك وردة عينها للسماوات
ترجي كَرم مزنة لو الورد زِينه
وهناك بنتٍ يتمّتها الطموحات
عاشت تبي حلم وغدت به سجينه
وقلبك غدى صالة قدوم المطارات
مليان شوق وناس ماتت غبينه
(يوسف السالمي)
4byt.com
من يقول القلب مع غيرك سلا
يعلم الله مالك بقلبي شريك
لا تخاف الناس وعيون الملا
كان خايف لا تجي أنا أجيك
ايه أنا مشتاق يسبقني الغلا
ياكثر ماكنت أبيك وما أبيك
ودي أسمع من اشفاتك ياهلا
مشكلة لا عمري في يديك
(علي مساعد)
التعليقات