علي الهموم اللي توافد ياكنه حلف
تجيني ليا جاء الليل واحد ورى الثاني !
توافد على قلبٍ تماسك وطبعه صلف
تغيّر وصار أرهف من السلك لا..لاني!
تقدم بي الخطوات مره وعشرٍ خلف
وأنا أقول يامستقبلي .. لاتحراني !!
مدام الشقى خاوى زماني وصاروا ولف
اجل ويش يجبرني أداريه وأعاني !
(نواف الضويلي)
4byt.com
من علمك بالجرح فيني تدعي؟
من علمك تفرح بشوفة مدمعي؟
إسأل ليالينا وعطرك والشموع
مهما تغيب وتبتعد تبقى معي
ما أدري قريبة جيتك يا من هويت
وإلا الليالي قستك وإلا نسيت
مشاعرٍ من قبل كفي ضمتك
في ذمتك؟
(عبدالمحسن بن سعيد)
التعليقات