الصفحة الرئيسية > أجمل أبيات الشعر العامي > نسناس العشي
نسناس العشي
روض تشكله النباتات تشكيل
لاجاب نسناس العشي رايحتها
وطيورها ترسل غناها مراسيل
تبعد هجوس طالما جمّعتها
هذي طراة الوقت. ود وتعاليل
وسوالف بعض البشر ما روتها
ما تسمع الا صوت صب الفناجيل
ويدين راع الكيف لا ناولتها
يالله عسى الدنيا عليهم تساهيل
وتعينهم على الحياة وعنتها
وعسى بلدهم تصطفيه المخاييل
وتنثر عليه حموله اللي حوتها
(شاهر الظاهري)
4byt.com
الله من عين لها النوم مالاق
والقلب معرض حزن قصوا شريطه
عز الله اني ذالسنة خاطري ضاق
قامت تزعلني الامور البسيطه
ياناعس الطرفين يامدمج الساق
ياللي سقا زرع الغلا من محيطه
جمعت عقل وحسن واسلوب واخلاق
ومساحتك فاقت حدود الخريطه
كانك مثل مانا محباً ومشتاق
قال المثل من شق شقاً يخيطه
لاتحسبن عيني على كل براق
برق (الحفر) ماشاق راعي (شبيطه)!
(محمد بن مشيط المري)
التعليقات