يالله لا تجعل نصيبي على جال
جرفٍ ليا قرّب له الماء يليني
يالله لا تكتب لنا شين الأعمال
يا قابل التوبة من التايبيني
يالله لاتقرن حياتي بالأنذال
اليوم ولاّ مقبلات السنيني
يالله لا تملا يديني من المال
إلا بقدر العيش والغانميني
(فيصل الرياحي)
4byt.com
بين لون الكاكاو وصبغة الزعفران
يِدرج لون شعرك يا صلاة النبي
خلي الريح تلعب به برفق وحنان
وين ما مال شعرك يا هواي العبي
يطوي الثوب مشيك يا الله المستعان
شوف عيني بثوبك في قفاك يحبي
ما يقر النظر به لا دخل به جنان
كنه يقول مشيك وش تبي وش تبي
والتفافيح حظاً للوريع الجبان
اشهد ان الزرار اللي حرسها غبي
(مانع بن شلحاط)
التعليقات