انا ما اخطيت في حقك ولكن الكلام عتاب
واعاتب والعتب كلمة تفسرها معانيها
اعاتب واحسب بهرجي الى مني حكيت حساب
وكلمة يستحي منها لساني يبتدي فيها
(حامد زيد)
هذاك انا اضيع لا طالعت نظراته
بعيونه السود يسمح لي ويمنعني
احلى علامات في الدنيا علاماته
متع نظر من شافه ومتعني
خلوه يخطي انا راضي بسياته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا أخطا عليك اقول: وش يعني؟!
(خالد المريخي)
التعليقات