الصفحة الرئيسية > أجمل أبيات الشعر العامي > ظلم العرب وانصافها
ظلم العرب وانصافها
ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفت وفى
اصبر وتدري وش دوافع وقفته واهدافها
(عبدالله بن علوش)
4byt.com
ماجيت أجمّع جروحي قاصد احراجك
جيتك أببكي وابيك الحين تسمح لي !
ببكي على الناس والإحساس لا ماجك
ببكي على الموت يوم إنه يلمّح لي !
ببكي على الجوع والموجوع لا داجك
ببكي على الكون والمدفون في وحلي !
ببكي على الروح والمجروح لا هاجك
ببكي على الحب يوم الحب لوّح لي !
ياخطوة الحلم نامي وسط ديباجك !
وإلا اتركيني وخليّ الدرب وارتحلي
(بركات الشمري)
التعليقات