الصفحة الرئيسية > أجمل أبيات الشعر العامي > نفيض اخلاص
نفيض اخلاص
نفيض اخلاص نعطي من محبتنا بدون حساب
نحسب الناس كل الناس نسخة من طبايعنا
نرش الدرب للنشوان ولعينه نصير اهداب
ونبكي لابكى المجروح حر بكاه يدفعنا
نعيش اغراب بين الناس وان متنا نموت اغراب
وتنسانا العيون اللي لجل سلوانها ضعنا
غلط لكن وش الحيلة؟ طبيعة.. والطبع غلاب
نتوب وننقض التوبة ونور الصدق يتبعنا
(علي المفضي)
التعليقات