أبيات القصيد - أجمل أبيات الشعر العامي

بغيت اصارحها

بغيت اصارحها ولكن تخوفت
اخاف تجي ردات فعله قويه
كم مرةٍ حاولت لا شك ما افلحت
ابنطق الكلمه وتصعب عليه
لامن بغيت اقول احبك تراجعت
تغص في حلقي وترجع عليه
اخاف ماعنده مثل ما توقعت
وأخسر سموي في عيون اجوديه
(الموق)

المزيد

كم نافذه تشتهيك

كم نافذه تشتهيك وبـاب مقفول
وكم ريح عطر ٍ لبيتك جرّت رجْال
ياللي صباحك معي بالحب مغسول
ترى غيابك دجا واعمالك اعمال
ان غبت غابت سنين وكلّت حمول
متني ..ومتني عليه حمول ٍ ثقال
وبعض الغلا كان مايبنى على آصول
مثل الرجل كان مات ولا له عيال
(بندر بن محيا)

المزيد

الـلـي خـذ الـقلب

مرت الأيام والبعد للعاشق صعيب
اسعد الله يوم حنا و الأحباب اقصرى
أشهد إن الحب والوصل للعاشق طبيب
وأشهد إن الحب و البعد والنار اخشرى
وا هني اللي مع أهل الهوى ماله نصـيب
مادرى عن حالة أهل المحبة مادرى
(محمد السبيعي)

المزيد

يانايمة !

يَا نايمة فِيني الوله مابعد نامْ
يَاقوّ قلبك..كيف يقوى الظليمة!
اسهركّ وكنّ المشاعِر لك أيتامْ
وإنتِ الاُم اللي مِن إحساسكّ عديمة
سَهدْ من لحظة ودَاعِك لهَا عَام
بذمتكّ ماهي في حقّ طفلك جريمة؟
نسيتي ولو نسَى هالطفل..ماانلام
مَدام مافاد فِيك الغلا والحشيمة
(ناصر السبيعي)

المزيد

التعب على الركايب

يوم يطري مالكاً قلبي وسيده
رحت للموتر ونطحت الهبايب
هزني فرقاه يالله لاتعيده
سقتها دام التعب على الركايب
فاضي ومقرش وسياره جديده
وش يرد العين من شوف الحبايب
واستوالي الخط والخطوه بعيده
موتري بطران واشواقي لهايب
سرعته ميتين وارصه وازيده
عارفن مامن وراها الا المصايب
مرخصن عمري لجل فرصه سعيده
ماحسبت لباقي ايامي حسايب
(محمد سعيد العطريز)

المزيد

الله أكبر

يوم المآذن صوتت عالي الصوت
الله أكبر عقبه حيّى الصلاتي
جاش الخفوق المنتظر دافي الكوت
هذا النداء ينعش بقية حياتي
لأني كذا ولاّ كذا جايني الموت
يالله عساني ما أنشغل عن صلاتي
ويالله عسى الفردوس منزال وبيوت
أمّي وأبوي أغلى شموع الحياتي
(فارس الشايع)

المزيد

الملوك السلاطين

عشقتني من يوم حنا وراعين
وانا عشقتك يوم حنا كبرنا
هيئت لك جو الملوك السلاطين
في داخل القلب الحزين المعنآ
(اميره العتيبي)

المزيد

من صدق كنّي

ترى ماكنت أمازح قلب وأداعب شعور
ترآي صادق وأحلف إنّ : كنّي بديت
(عبدالله الأحمري)

المزيد

ماودي اوجع خاطرك

ما ودي اوجع خاطرك دامك اذعنت
لا عاد تلحّاني ولا ودي ألحَاك
في ذمّتي ما هز قلبي ولا َ بنت
استغفر الله .. فيه علم ٍ تعدّاك
مرّت سنَه في غيبتك ما تبيّنت
و بغيت اخاوي واحد ٍ كنّه إياك
(شجاع السنحاني)

المزيد

لا عدم و لا خلا

حبيبتي يابعد راسي هيه يا مستقبلي
تستاهلين الطيبة ولا عدم..ولا خلا
ياوصفة القاضي..وابن لعبون..وصف العبدلي
ياقرة العين ومُناة الروح سُباق الحلا
يا شعر شاكر للمطر يافخر سورٍ بابلي
ياذكريات النصر والتحرير وايام الجلا
(علي بن حمري)

المزيد