أبيات القصيد - أجمل أبيات الشعر العامي

قصـر و صـروح

أسعد الله وجهك اليوم يا الوجه الصـبوح
لا تزعـلني ترى باقي بقلبي ولاء
بعد ما حطيت لك في الحشـا قصـر وصـروح
وبعد ما عـرفت مقدار حـبك والغلا
جيت تطلب مني البعد يا القلب النزوح
لين ضـاق بي الفضـاء وضاقـت حدود الفلا
(محمد السبيعي)

المزيد

كافي الليالي

كافي الليالي زود همٍ وهوجاس
الوقت راح وباقي العمر مطرود
من صارع الدنيا على كل مـرواس
لابد ما تخذلـه خـلان وعضـود
ومن لا يعذر الناس ما يبخص الناس
للطيب حد .. وللردى ماله حـدود
ومن لا يعرف الدرب من وين ينداس
إما يضيع او ياجد الدرب مسدود
(بدر بن عبدالمحسن)

المزيد

شتاتي..

تبي ترحل انا راضي اعيش الدنيا من دونك
اعيش الجرح والحسره والملم باقي اوراقي
شتاتي مالقى حرف ٍ يهز الشوق بغصونك
عشقت ولا لقيت الا غياب ٍ يحرق اشواقي
(سعد السياف)

المزيد

تمر الأيام..

تمر الايام والموعد هو الموعد
وتموت الايام والموعد هو الموعد
اقسى المشاعر شعور القرب للقربى
وتحس من داخلك ان انت مستبعد
عيون الاشرار تبحث والخطا يبحث
عن زله الغيم لو يبرق ولو يرعد
تظللوا به وشربو عذبه وقالو
الغيم ساحر ولكن البياض اجعد!
(سعد علوش)

المزيد

نظرة عيونك

ياهية أسمع واحدٍ كان يغليك
أرخص حياتة كلها من غلاتك
تدري وش اللي لا تماديت يعفيك
نظرة عيونك لا طرت بالتفاتك
(مبارك رشيد)

المزيد

أنتظر طيفك يبين !

وين يا ملح السنينْ !
لي سنه.. لا والله أكثر
أنثر احساسي حنين .،
وأكتم أنفاسي أخاف الشوق يطلع !
في رجا..أنّك تجين !
في رجا .. إنّك تعيدين الحياة ..
للي بعدك قام يصرخ :
آه وآه وآه !
للي بعدك .. ضاع بعضه
وبعضه الباقي
.. نساه !
شوفي حالي !
منطوي وحدي .. ولا لي !
غير أقلّب ذكرياتي ..
وأنتظر طيفك يبين !
(بركات الشمري)

المزيد

حروف البعد

جاني يبي وصلي ولا قلت له سم
قال انتبه للسم يمكن يسمّك
واكتب حروف البعد من محبرة دم
وخلك ثقيل اطباع لو خف دمّك
(ماجد الشمري)

المزيد

نام الغرام..

نام الغرام وخافقي مابعد نام
لازال ينبض والمواجع اليمه
لاعاده الله يوم من ذيك الايام
يوم الفراق وصدتي له جريمه
(ماجد الشمري)

المزيد

خوي المطاليق..

اسمك ورسمك يا خوي المطاليق
عند الرجال الطيبين النشاما
أحلا من التمره على فكّة الريق
والذ من لبيه عند اليتاما
(حامد بن مايقه)

المزيد

السلامة..

سلّم وقال الله يمسيك بالخير
قلت السلامه منك راس الغنيمه
(حامد بن مايقه)

المزيد