أبيات القصيد

يا سخيف الذرعان

يا سخيف الذرعان مانيب مرجوج
رجتني الدنيا بغدر وحيله
والله يالولا اللي على تاسع الفوج
لأكب نجـد وعزوة بالقبيله
لا شك حاديني على نجد هـيدوج
مسقى الفيافي لين يدرج مسيله
تركي ليا من الليالي غدن عوج
حملة عتيبه كلها ماتشيله
يرسى كما مينا البواخر على الموج
ومنين ماصك البحر ترتكيله
مادام تركي حي ماودي ادوج
وان غاب غبت من الرجوم الطويله
(بندر بن سرور)

المزيد

قولو ا امين

عساه يؤخذ بالضحى قولوا امين
إللي بنات الناس شغله وهمه
أحـد يحاول ستـر عذراء البعيدين
و أحد ٍ يدور بالردىء بنت عمه
قد قالها بندر قبل عدة سنين
يثور معها الحر و يثور دمه
(نايف بن عرويل)

المزيد

تحب غيري ثلاثة

فديت كبد الهنوف اللي من اللمسة
تسكر كن الخمر مصنوع في حناياها
وراثة القلب لا ثمنه ولا خمسة
والذ واشهى علوم الحب واحلاها
هي غد من قوت يومه من رغيف امسه!
في ساعة لا تذكرها تمناها
تحب غيري ثلاثة اربعة خمسة
لهم الاحاسيس وانا لي ثناياها!
(محمد بن الذيب)

المزيد

بالعشق لابسني

بالعشق لابسني مثل لبْسك ثْيابك
محاصرٍ كل الخلايا امْتجللها
عشقك بدمي بالشرايين متْشابك
معانقٍ روحي تمكن بداخلها
أنهي بك اليوم ولي الليل يبدا بك
أنهي بك الايام وتجيني من اولها
أموت أنا بعطرٍ يجي من جهة بابك
أنفاسك اللي جابها الريح ناقلها
دخيلك جروحٍ تنزف من أسبابك
دخيلك عيوني بشوفتْك كحّلها!
(اسيرة الصمت)

المزيد

حلوة أو مره

للناس اخلاقٍ حلوهْ ومرّه ْ
والمرّ لوّ يمزجْ معَ الشهدْ ما فادْ
والشهدْ وحدهْ منّه ذوقْ و مسرّه
واللي خبيرٍ يميّزْ نوعِ لشهادْ
(زايد بن سلطان)

المزيد

مطلبي في غيابك

اسأل وريد الدم عن حب مخفوق
مزيج من لونك وزينة شبابك
يجاوبك..إيه المحبه لها سوق
في قلب للعشرة على طول شابك
شوفة عديل الروح ياروحي بموق
تسوى كنوز الأرض وأموال سابك
وشوفة حليل القلب والزول ممشوق
هي مطلبي يامطلبي في غيابك
(فارس الشايع)

المزيد

يابــوي

يابوي والله اني من طيحتك خاطري عمس
ضاق بالي وبالي من البلى مبلي
النوم مابيه ولا العيد عيدناه امس
التعب يتراكم على جسمي وشكلي
(مشاري بن محمد)

المزيد

يا صقر

وا عذاب الجناح اللّي يجرّه كسير
كل ما فزّ مكسور النواهض هوى !
(خالد الفيصل)

المزيد

جرح وسكين

انا بعت الذهب لجلك وجيت اهواك بالفضه
وش ابغى فيه دام انه عجز عني يعبّرلك
بكارة صوتك الساحر تعبت انتظرك تفضه
دخيلك همسك الشادي يبرد من تصبرلك
اماني سمعي حروفك تمر شفاهك الغضه
هذا هو من ثلاث سنين بانصاته تسبرلك
(احمد بن سارح)

المزيد

سلام الله على موقع أبيات القصيد
إللي أعلوم الطيب كاسبها
فيه الكلام الزين والمعنى شديد
وفيه أحسن الابيات واطيبها
(حمد الهاجري)

المزيد