أبيات القصيد - أجمل أبيات الشعر العامي

اربع لابد منها

الصاحب اللي لا بدا اللازم يحود
ماعدّه من أصحابي ولا عـدني
ياجعل جنسه في الأوادم مايزود
محزم فشل ما اشدّه ولا شدني
و لوكان تبعدنا المسافة والحدود
القرم أحبه لو بسيفه قـدني
والأربع اللي كل شخص الها محدود
لابد تصدفها وأنا لا بدني
كيد الحسود..و رد فضلك بالجحود
خوة ردي..و حاجة النذل الدني!
(سعيد الحمالي)

المزيد

منزلة الأم

أمي وانا بوصف لها زود حبها
و إن ماحكيت لها قصيدي حكالها
أمي لها بالقلب والجوف منزله
مكانة ماكل محبوب نالها
أقرب من ظلالي وأنا وسط غربتي
و أنا تراي أقرب لها من ظلالها
(حامد زيد)

المزيد

الله اقوى

الله أقوى غدا شوفك سراب
كيف أبا أروي حنيني بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما
(بدر بن عبدالمحسن)

المزيد

احيان اشوفك ذرب

احيان اشوفك ذرب واحيان واطي
واللي جمع وجهين ماهو برجال
(امجد الدبيسي)

المزيد

ان كان ماكان

ان جيتني وان رحت وان كان ماكان
غالي ولا غيرك ب هالناس غالي
يكفيني ان طاريك قتال الاحزان
يا موطّي قلوب البشر وانت عالي
خذني على كيفك وانا لكيفك انسان
يرخص لك الدنيا وياخذك وآلي
(امجد الدبيسي)

المزيد

أحيان يعجبني الزعل

أحيان يعجبني الزعل وأحيان ما اريده
وأحيان يا خلي الزعل أطلبك انا تزيدة
مدري وش اللي ابيه ضايع ما بين أمرين
الحلو فيهم ألم والمر تدري به
حاله غريبة عشتها لحالي
مابين شوقي وبين غربالي
(علي عسيري)

المزيد

عيشتي في غيبتك مره

في حزة إعناده وفي حزة إعنادي
قلت انت طايح من عيوني كذا مره
شفني رفعت الحمول وقلتلك عادي
والقلب قبلك عجاج الوقت ماضره
لا صرت ناوي ابعادي جرب ابعادي
أرحل وخل الليالي تدفن الجره
(خالد الهبيده)

المزيد

شف هالصوره تنادينا

تعال ماباق من العمر كثر ما راح
 تعال نجدد الحاضر ونعيد ماضينا
 تعال خل الهموم اللي بيننا تنزاح
 تعال دام الفرح يشفع له امانينا
 تعال كنك من هل البيت مضواح 
تعال نوخ افكارك وسجل معانينا
 تعال فرج شعور(ن)بالهواء يجتاح
 تعال بين للبشر وش هي اغانينا 
تعال ناظراللي كتبته الم وجراح 
تعال قرب شف هالصوره تنادينا  
(فهد الماضي)

المزيد

طقطقة كيبورد

ودّيَ اطَقطقْ علَىْ اَلكيبُورد واتسَّلى
عسَآنٍي اَلقٍى مَعاكمُ مَايسّليِنيْ!
مرّاتِ اَجيِكمً سَعيدْ وخَاطرِي فلّه
ومَرات ٍاجَيكمُ وَدمعٍي فيْ طَرف ْعينيَ
(غير معروف)

المزيد

لا تذرفينه

يمكن مع الأيام تآتي غبينه
وأحتاج عينك والدموع ولضاها
فإن كان عندك دمع لا تذرفينه
عيني قضى من فقد الأحباب ماها
(سامي العرفج)

المزيد