أبيات القصيد - أجمل أبيات الشعر العامي

يا سيادة

لو تقول انك مليكي قلت لك كلي ولا
يا سيادة روح شاعر غنني أربع حروف
من يقول اني نسيتك لا وربي الف لا
طلتك أصلا عيوني كيف من غيرك أشوف !
(خالد العزاب)

المزيد

مابقى لعمري دهر

من ساحل الضيق وامواج القهر
ومع طريق الشمس واوصاف النهار
راح عمري مابقى لعمري دهر
والهدف في داخل القلب انفجار
(محمد بن فطيس)

المزيد

حظي معاندني

كن الفضاء شاطي وانا صرت بحار
وانتي سمك دايم على البحر ضاري
بحار لكن ما معي سلك سنار
حظي معاندني مهو بإختياري
(افلاطون الشعر)

المزيد

تشاويش

ناديتك بصوت ٍ صداه التشاويش
وصوتي بعد ذيك المسافه رعشته
أمشي واتل الصوت تل الدناديش
ياليت صوتي بالهوا ما طرشته
(مبارك الغضوري)

المزيد

مشكور يادكتور

مشكور يادكتور ع النقد والتلميح
مدري انت شاعر تعرف الوزن والا القاف
والا تكن من ضمن لجنه تعطي التصريح
وانا ابني بيوت الشعر واجيدها ماخاف
اقول لك .. خلك في الطب والتشريح
واترك بيوت الشعر وبحورها والقاف
(سالم بن عروان)

المزيد