انت ما اخذت جنحاني. خذيت الفضا!
ما اقدر اشوف غيرك لو امد النظر
(غير معروف)

ياموطني ياالموطن اللي ماعرف مجدك فنا
خيرك وصل اقصى البلاد العالميه والمدن
ياموطني انا هنا..انا هنا..انا هنا
شبحك ألما بعد الحظن ينسيك من وسط الحظن
ياموطني أظّلم عليّ الوقت .. وأتحرّى السنا
ويزيد في عمري زمن ويروح من عمري زمن
ابغى ارضي الشيبان وارضي خاطري بشوف الظنا
لكن ماباليد حيلة آآهـ.. ياشين الغبن
طقيت باب الرزق لكن مافتح والله لنا
كنه يقول: السير يافهمان لازم يندهن
طقيت باب الرزق لكن مافتح والله لنا
كنه يقول: افلح وجب لك واسطه والا استكن
قلت اشهد ان لي واسطه والواسطه يابو جنا
حب الوطن والروح في حب الوطن تدفع ثمن
(سعيد بن مانع)

فقير ماشفت الغنا..مآني من عيال الغنا
لكن اذا نآدى الوطن؟ اتسلف ريال الكفن
أثور من دونه وانا سعودي وانا طيّب جنا
منهو يشكك في ولائي فالسريره والعلن
ياموطني..هذا عتاب أحباب..جعل اللي شنا
يلقى البلية والمصيبة والمهونة والوهن
خمس اسنواتٍ عشتها عاطل ولا هو بس أنا
كم فيه من عاطل بوسط الوقت همّش واندفن
نلت الشهاده والفرح برقه سبق رعد العنا
هذي الشهاده ياوطن وين الوظيفه يا وطن؟
(سعيد بن مانع)

يالله عسى لي خيرة ٍ عقب فرقاه
لو كان فرقا الخِلّ مثل الفجيعه!
(بدر بن عبدالمحسن)

ياما حلى المجمار والقرص يصلى
والدلة الصفراء على حفة النار
ارمي هموم القلب والبال يسلى
وانسى الحزن والهم من كل ماصار
(فهد الصقعبي)

الدمعة اللي تنضحه عين رجال
اثقل من النجمه بعالي سماها
ماتنضحه عيني على شوق فنجال
ولا على لقمه وربي زهلها
العين تدمع من فعل كل الانذال
والا وفاة الحي وخلٍ جفاها
(فهد الصقعبي)

بإسم ثآني تنآديني تقول المخطي لسآنك
حسآفه گَيف مآ قدر لسآنك قلبي العآني
تقول إنه خطآ منك تذگَرت أگَبر اخوآنك
وأنآ اللي من گَثر حبي أنآدي بإسمك إخوآني
‏(أحمد الصانع)

ايوالله أنك في خفوقي وأراعيك
ساكن بوسط الجوف مادمت سامي
أغليك حتى لو تغليت ابغليك
مدامك أول شخص داعب غرامي
(عبدالله بن أحمد)

لا جاك صوته وأستبد بحناياك
لاتسمعه.. لاتسمعه.. لا يبكيك
الناس هذي أطباعها مثل الأسماك
أن ما رميت الطعم بخداع ترميك
(عبدالله بن أحمد)

بفك عن ضيقة قميصي زراره
وافتح خفوقي واحكي بكل تفصيل
عن غايباً ماشفت طلعت نهاره
اسمه على دمي بكل التحاليل
(أحمد البلعاسي)