أبيات القصيد - أجمل أبيات الشعر العامي

حتى جرحك مدلله

لي شعور ليت قلبك يوصله
مايكفي عنه أعبر بالكلام
حتى جرحك في حشاي مدلله
حط راسه فوق قلبي لييين نام
(غير معروف)

أحبها أحيان

أحبها أحيان واحياناً ما أدانيها
واموت فيها دبل لا وقفو ضدي
العالم اللي مسارحها مضاويها
اللي ماهم بكفو لي وماهم بقدي
الموت لاصار حاميها حراميها
ماعاد تدري من يجيب ومن يودي
لو كل حاجه على بالي بسويها
ماكان شرفت اسم خالي واسم جدي
(سعد علوش)

المزيد

ادور الكايد

جرح الرفيق اليا حصل ماله ضماد
والا الجروح الباقيه وقت وتطيب
مبداي.. ابد فالصدر ماشيل الاحقاد
واليا زعلت اجنب الدرب تجنيب
ادور الكايد واجيبه ولو كاد
واحفظ قدم رجلي عن الشين والعيب
وان كان قصر صاحبي قلت وش عاد
دام المراجل تحضر اوقات واتغيب
(ناصر بن فيصل أبو ثنين)

المزيد

خلك على طبعك

خلك على طبعك وانا ايام واروح
وخليت لك صورة بفرقاي تغنيك
طبعك تغير والمعزة لها صروح
مقفي و انا اشكي جرح من طعنة ايديك
(محمد الشتلي)

المزيد

وجه المواني

وآتنفّس رغم هذا الضيق في صدر المدينة
وآتبسّم حتى لو مابه..عصافير وأغاني!
وانتي أنتي..مثل ماأنتي ولكنّك حزينة !
تربكين الدمع ويل الدمع من ضيق المحاني!
كنت اقول البحر ماينشد عن هموم السفينه !
صرت أقول الحين دلوني على وجه المواني!
(بركات الشمري)

المزيد

خساره شاربه

خساره شارب الرجال لا منه زعل من حق
خساره شاربه والله..وليته لز جنب امه!
(اميره العتيبي)

المزيد

آه ياقلبي

افترقنا ماعرفنا خطانا كيف صار
آه ياقلبي تدور على اللي يوجعك
قالها يمزح وانا كانت اخلاقي دمار
قال ابودعك واروح قلت الله معك
(غير معروف)

المزيد

ماخذ على خاطري

ماخذ على خاطري من غيبتك عني
احس قلبي مزعلني من اسبابك
مادام قلبي زعل منك وزعل مني
خذني على قد قلبي واترك غيابك
(فهد المساعد)

المزيد

الله يكثر خيره

مهموم من همه ولاشال همي
وعلى كثر ما اشيل همه واداريه
لو شافني قدامه يسيل دمي
الله يكثر خيره ان قال وش فيه
(فهد المساعد)

المزيد

يارب عفوك

يامالك الملك ياذو العفو والمنه
عبدك بدونك ضعيف وحالته حاله
أسالك ياربي الغفران والجنه
في يوم ماينفع المؤمن سوى اعماله
(فهد المساعد)

المزيد