أبيات القصيد - أجمل أبيات الشعر العامي

عيش الحياة بسعادة

أفضل طرق عيش الحياة بسعادة
انك تعيش الحياة بسعادة!
انت انعكاس لفكرتك! يعني ان كنت
حزين صار الحزن والهم عادة!
وان كنت دايم مبتسم وامتفائل
كسبتها مع السعاده عبادة
ما طول العمر القصير التوتر
يطول العمر القصير الإرادة!
تفكيرك في بكرة مضرة ليومك
وبكرة في تفكيرك لبعده نكادة!
عش في حدود اليوم وافرح لهاليوم
اختار طلعاته ولبسه وزاده!
(سعد علوش)

المزيد

الجرح أرحم

يا قلب صبرك .. ترى كل شيّ سويته
ما كان أفضل من اللي كـان بإمكاني
لو بيّ قوه على الهجران؟ خليته
لو بيّ ذره من النكران؟ يفداني
الجرح أرحم..إذا يرجع من أغليته
مجروح؟ فِدوه .. ولكن صعب وحداني!
(عبدالله الظفيري)

المزيد

إعلان للحب

إعلان للي مابعد جرب الحب
يسلك طريق الحب بس بشجاعة
فيه الوفا والغدر والصدق والكذب
وفيه الفراق وفيه شوق اجتماعه
حظك على حظك تشجّع وجرب
إن صبت والا غير تاخذ مناعة!
(محمد بن فطيس)

المزيد

جرح الزمن

اشوف الناس تضحك وابتسم واضحك وأنا منحاس
واشوف الناس تحكي بي واصدد تقل ما اوحيها
وجع جرح الزمن لو هو هوين يذبح الحساس
وانا لو شفتني حي الحقيقة عنك مخفيها
(زياد بن حجاب الحربي)

المزيد

دمعة إيمان

دمعه من الإيمان في يوم جمعه
تطيح من عيني على أوراق قرءان
خشوع مؤمن لحظة إجماع دمعه
إن اللذي يدمع في هالوقت إنسان
ماطفت الدنيا بمحانيه شمعه
إشتعلت بصدق النوايا والإيمان
(أحمد العتيبي)

المزيد

كل المعاليق لها حنه

كل المعاليق من عقبه لها حنّه
وستارة القلب من فرقاه مفتوقة
أقبل.. ولا للزمن فضل ولا منّة
واقفا كما يقفي من الحلق منطوقه
أصيح له واردف الونّة.. ورى الونّة
مثل الذي يشتكي.. ودواه في عوقه
(غير معروف)

المزيد

الحقد

الادمي لو شال من قلبه الحقد
تصير في عينه حياته سعاده
لايشغله البعد والهم والفقد
ما دام مايفقد سلاح الاراده
(ناصر بن فيصل أبوثنين)

المزيد

ما لطرياك حزة

ادري سلامي جاك في حزة النوم !
اعذرني لكن ما لطرياك حزه !
(غير معروف)

المزيد

دموعي

لا تصنّف دموعي حسْب تصنيفك
وأنت خابر دموعي ما هي بطوعي
كلّ ما ساق ذعذاع الهوى طيفك
هزّ غصن العيون وطاحت دموعي
(سامي العرفج)

المزيد

ظروفي

اللقا إنسان وظروفي نعش
ودمعتي ماخلت البسمه تعيش
(أحمد العتيبي)

المزيد