أبشرك ماعاد يوجعني فراق
وأقسى وجع فيني يزول بثواني
عودت قلبي إذا حمل هم أو ضاق
أرمي وما أسأل عن اللي رماني
عودت نفسي للمتاهات ما أنساق
ولا يسيل دمع عيني وأعاني
خل الحياة أتروح والعمر أرزاق
لابد يوم يضحك لي زماني
(غير معروف)
تزور القلب كتمة وابتسم سمي
مكانك وان تحطم جبت لك ثاني
فلا قلب ٍ فقدت ولا نشف دمي
ما غير اصبحت حي وداخله فاني
انا يومك تردد لا تجي يمي
قسم بالله كنك عاقد لساني
(طارق اليحيى)
ياللي تدق وخافق القلب لك دق
وش فيك تفصل يوم رقمي تدقه!
ياما من اجلك دمع عيني تدفق
واتعبت حالي بالسهر والمشقه
يازين قلبي من عروقه تمزّق
وصدري من هموم الدهر صار رقه
لا تكرر الغلطه ترى هـذي ابحق
والا الرقم ياصـاحبي لا تدقه!!
(عبدالله العتيبي)
إخترت في الدنيا ثلاث
الستر وإنصاف وصلاح
وكرهت في الدنيا ثلاث
لا و لا يمكن و لن
وحبيت في الدنيا ثلاث
الشعر وأمي والصباح
وحلفت ما أخون الثلاث
إنتي و جاري والوطن
(مساعد الشمراني)
تل الخفوق ان بغيت تولعه تله
خل اول الود يلعن جيت التالي
فل الهوى يابعدهم خلها فله
لاتنشد الحين عني ويش يبقى لي
مامثلك اللي وصل للقلب واحتله
يفداك قلبٍ وصلته يابعد حالي
(غير معروف)
