تزور القلب كتمة وابتسم سمي
مكانك وان تحطم جبت لك ثاني
فلا قلب ٍ فقدت ولا نشف دمي
ما غير اصبحت حي وداخله فاني
انا يومك تردد لا تجي يمي
قسم بالله كنك عاقد لساني
(طارق اليحيى)
ياللي تدق وخافق القلب لك دق
وش فيك تفصل يوم رقمي تدقه!
ياما من اجلك دمع عيني تدفق
واتعبت حالي بالسهر والمشقه
يازين قلبي من عروقه تمزّق
وصدري من هموم الدهر صار رقه
لا تكرر الغلطه ترى هـذي ابحق
والا الرقم ياصـاحبي لا تدقه!!
(عبدالله العتيبي)
إخترت في الدنيا ثلاث
الستر وإنصاف وصلاح
وكرهت في الدنيا ثلاث
لا و لا يمكن و لن
وحبيت في الدنيا ثلاث
الشعر وأمي والصباح
وحلفت ما أخون الثلاث
إنتي و جاري والوطن
(مساعد الشمراني)
بدونك لا خيال ورعد و لا حتى لمحت بروق
وعشب الحب لك هالك تقول ملبسينه بشت
هالك ظامي لوصلك تشقق من ظماه شقوق
متى يمطر لي رجوعك ويحي ميتات النبت
(أحمد العتيبي)
