أبيات القصيد - أجمل أبيات الشعر العامي

الضلوع المحاديب

أخفي هموم بالضلوع المحاديب
مشاكل يامسندي مقلقني
إن كان بإطلاقة حجاجي عذاريب
ياطيبها لو إنها عذربتني
واللي بقيل وقال راحو مناديب
خيبة رجاهم فرحه فرحتني
(حمدان مدله)

المزيد

لاتزيد الجرح

لا تزيد الجرح ماقصر زماني
شايلٍ بالقلب أحزان السنين
لاتزيد الجرح مافيني كفاني
لا تصير اليوم مع وقتي معين
ياحياة الروح ربي بك بلاني
بالحشاء لك جرح يالغالي مكين
في زمانٍ فات يالغالي تراني
أخفي الأحزان والعبرة تبين
عمري اللي ظاع باحلام وأماني
شوفتي لك يوم والفرقا سنين
(عبدالله العليوي)

المزيد

ألا يا ليت

ألا ياليت ربي يوم سوّى
عبيده حط للطيب علامه
علشان الذي بالناس جاهل
يعرف الحر من برق الجهامة
(مزيد ابراهيم المزيد)

المزيد

احترت

احترت من زود الغلا وين اوديك
يبيك قلبي مير عـيني شحوحه
عيّت عليك اللي نظرها يراعـيك
دايم معك في كل جيه و روحه
وقلبي لو ان الود وده يخاويك
مير الظلوع العوج تكبح جموحه
(رحيم الغنامي)

المزيد

خايف عليك

خايف عليك ومنك بالحيل خايف
عزي لقلبي يجمع الحب والخوف
خليت قلبي والشقاء بك ولايف
قلبي عمى وش عاد لو عيني تشوف
عمري قضى ماقلت لك واحسايف
عندي نهايه درب الاشواق معروف
جرحت قلبي يا عديم الوصايف
ماظن تشرح ما بقلبي لك حروف
قلبي لغيرك لو تغليت عايف
حبك ملك قلبي ونساني الخوف
(عبدالله بن عبد العزيز العليوي)

المزيد

اكبر قهر

أفراحي بصدري قطيع أغنام عاشت في حصار
والهم ذيبٍ لاعماه الجوع حوّل لغنمي
يا امّ الخطا ماعاد ينفع للخطا ردّ إعتبار
وانتي خطاك عروقه بصدري وشوكه في فمي
أكثر هزيمه توجع الإنسان بعد الإنتصار
وأكبر قهر لاصار باللي يطعنونه يحتمي
(فيصل ال سواط النفيعي)

المزيد

ما عليك من الهروج

ولولا قولة والنعم ما إعتلوا فوق السروج
أمة قبلك خبر حيها في الأرض داج
لا تعجب من علوج توطتها علوج
والله إن الشر للشر أحياناً علاج
في جنوب أفريقيا البيض ياطون الزنوج
وفي شمال إفريقيا البيض ما ترفع إحجاج
ما ترفع عن رجال على الهينه تدوج
عالم رامت مرام الصقور وهي دجاج
(ناصر الفراعنة)

المزيد

الديدحان

حسناك يا منشي حقوق الخيال ِ
يا خالق اجناس ٍ و يا مفني اجناس
متى تربع دارنا والمفالي
وتخضر فياض ٍ عقب ما هي بيباس
و نشوف فيها الديدحان متوالي
مثل الرعاف بخصر مدقوق الالعاس
ينثر على البيدا سواة الزوالي
ويشرق حماره شرقة الصبغ بالكاس
(محمد الاحمد السديري)

المزيد

خير وش بقى

خير وش باقي تزيد القلب هم
منك شاف القلب تجريح الهموم
ومن رداة الحظ زاد الهم غم
وإن شكيت أشكي على من لي ظلوم
كم بكيتك شرهة والدمع دم
تفطر أشواقٍ على ظلمك تصوم
(خالد عبدالرحمن)

المزيد

حنايا الوله

نشدتك ليه تجفاني ! .. تقول مصخّن
وأقبل أعذار الجفا ، وآقول: ليته فيني
قمت أدخن من بعادك ولا انا ما ادخّن!
يمكن ينفسّ عن جروح الهوى تدخيني
(غير معروف)

المزيد