لا تسأليني عن اسباب الزعل مدري؟
يجوز نفسي على كثر الجفا ارتاحت
ما والله ابكي ولكن من سنا جمري
شف ريحة العود لولا الجمر مافاحت!
كم عبرة ٍ لا غفيت أكنها بصدري
مير البلا لا قعدت الصبح ما راحت
(حاكم المعلا)
اسمعك ياللي تناديني يابو قلب ٍ خلي
بس انا ماني خلي القلب لجل اسكت واجيك
انت زعلان لجفاي ومادريت ان زعلي
يوم قلبك مايبيني قد ماقلبي يبيك
حتى لو عيت همومك في غيابي تنجلي
كل هذا مايساوي لهفتي يوم احتريك
(فهد المساعد)
مقدار حبي عالم ٍ فيه ربي
ولا الموازين لغرامي ظلومه
لا لاتقارن حب امك بحبي
أخاف من عينك تطيح الأمومه
أخشى يقولون عنك ماهو بمتربي
مابي أشاركك في عقوق الرحومه
ياغايتي ماعاد فيني أخبّي
حبّك تعدى حدود نفس ٍ كتومه
مابيك تسأل عن مقادير حبي
بكره مع الأيام تطلع علومه
(عابرة سبيل)
