أبيات القصيد - أجمل أبيات الشعر العامي

ليه غبت ؟!

من أسمع: كيف حالك ؟ ينقبض جفني على
دمعة تبغى تقول: الحال دمع و مهزلة
وأبلع العبرة و أقول: بخير و الهم انجلى
واخر الهرج اتلعثم فيه وانقض اوله
ليه غبت..ليه غبت..وانت اللي ما ملى
عيني الا همس صوتك في زمان البلبلة
(غير معروف)

المزيد

خلص كل الكلام

خلص كل الكلام ولا بقى غير القصيد عتاب
نشف وجه الجراح ولا بقي غير السهر راحه!
سلاماتٍ تطولك لاتجيني خايف ٍ مرتاب
ترى لك وحشةٍ مثل الظلام ان مات مصباحه
رهنت لغيبتك ظلٍ نحيل ودمعتين وباب
على قلبي قفلته والوفا همه ومفتاحه
(نايف صقر)

المزيد

حبيبي

حبيبي والبحر سور التراب ودفتر الغرقى
لو اني ماكتبتك لامني ملحـه ومرجانه
حبيبي كل ماذعذع جفاك وناحـت الورقـى
يتل البال قلبي واهـدي السجـات جنحانه
حبيبي وانت مرقاب الشجون وهاجس المرقى
ترى كلن يموت الا الوفي بعيون خلانه
حبيبي والجروح اللي سببها ليلة الفرقا
ضما يدها الوصال اليا ظما المحروم حرمانه
(نايف صقر)

المزيد

الياس علّمني

الياس علمنّي على شيّ هُب زين
طول السكوت وسجّة الفكر والبال!
و لا آنتبه إلا إذا قيل لي :وين؟
وآردّ وبليّا وعي : كيف الاحوال؟
(هُجوس)

المزيد

يانهر

يا نهر لو ذقت همي ما جريت
يا شجر لو عشت ما عشته تموت
ودي انسى بس والله ما قويت
كيف ابسلا وللحزن فيني بيوت؟
رحت ادوّر ما يخفف.. ما لقيت
غير جلسة عند جالك والسكوت
(غير معروف)

المزيد