يامبادلني النظر وانت النظر
لاتخاف البعد ياكل الشعور
دام حبك في حناياي استقر
لاتظن انه يجي مني قصور
من بنى لي في وسط قلبه قصر
عاهده قلبي يشيد له قصور
(أحمد العبيد)
إذا غبت لا شيء.. لا شيء.. لا شيء
هذي الحياة
بكل شذاها و ألحانها
بكل صباها و ألوانها
و أقزامها.. و الكبار الطغاة
و ما دبجته أكف المنى
و ما سطرته دموع الضنى
كأن الحياة إذا غبتي عكس الحياة
(غازي القصيبي)
يا بو فهد والله جنت جنوني
قلبي يلفة ألف خنجر وخنجر
هم مادرو في كل طعنه طعنوني
أسيل كلي عشق والحب يكبر
ياكبرهم.. يا صغرهم في عيوني
رغم القليل ألمر أنا دايم أكثر
(علي مساعد)
يا للأسف كان حبك صادق فيني
يا للأسف كان حبي بعض نزواتك!
يا قو قلبك قدرت انك تبكيني
مسكين قلبي و لا ترضيه دمعاتك!
اللي حصل منك صدقني يكفيني
ضيعت قلبي و أنا ضيعت أوقاتك!
(غير معروف)
الله واكبر أثر الأيام دواره
وشلون الأحباب ماتسأل عن حبايبها
ماهي طبايعك تنسى الخل واخباره
هذي الطبايع جديده من وين جايبها؟
ترى القطاعه..اثم..والوصل كفاره
كفر عن ذنوبك اللي كنت مذنبها !
(غير معروف)
