اذا ثلث الطموح عناد وثلثينه صبر والحاح
بأجبر خاطر امالي و أحاول أكثر و أكثر
و اذا بعض الألم باقي ترا بعض الأمل ماراح
وكل ماقلت ما أقدر بعاندني و أقول أقدر
(غير معروف)
يعني اموت من الغلا عشان ابين لك غلاك
والا عشان احلى بشر تبيني لعبه في يديك
الله يرحم والدينك لاتسولف عن حلاك
الشمس قبلك سولفت عنك ووصتني عليك
(عطالله فرحان)
لابغيت في يوم تسوي فيني معروف وجماله
ياتجي كلك معايا يا تخليني بحالي
حبه حبه انت ظالم والهوى يبغي عداله
خلنا نطلع من الواقع على الجو الخيالي
انت عمرك شفت واحد يسولف مع ظلاله؟
هذا انا وكثر ما اشعر فيك احس انك ظلالي
(عطالله فرحان)
تعبت اعديها على خير واعذرك
وافتح معك كل يوم صفحه جديده
ماهو عشان الناس كله لخاطرك
سويت منك السالفه والقصيده
حاولت اعدل في مزاجك واغيرك
عشان اطلع منك جمله مفيده
(عطالله فرحان)
صليت شفعي ولا سجيت عن وتري
ومن الوله فاضت انفاسي على ثيابي
قلت اكتب الحب واقطع حيرتي واسري
لين آصل الصبح واشرف على غيابي
حبيبتي مابعدك احباب في صدري
واللي قبل لاعرفك خليهم احبابي
(نايف صقر)
آخر حركات التدلع.. والغنا
اللي إسمها مها وبالدلع مهاو
فرفورة تسلف الشمس السنا
مغويه ويطرد وراها كل غاو
إن وقفت .. كل شي متباعد دنا
وكل شي متلخبط مع الوقفه تساو
إليا مشت قال النمل.. الله لنا
تقاو ياجوعي على صبري تقاو
ذروة ترف ذروة غنج ذروة هنا
جمال مايستوعب وما ينتقاو
مخلوق لامنه أنثنا يعني أنثنا
كل الزوايا تستقيم إليا تزاو
(سعد علوش)
