اذا ثلث الطموح عناد وثلثينه صبر والحاح
بأجبر خاطر امالي و أحاول أكثر و أكثر
و اذا بعض الألم باقي ترا بعض الأمل ماراح
وكل ماقلت ما أقدر بعاندني و أقول أقدر
(غير معروف)
يعني اموت من الغلا عشان ابين لك غلاك
والا عشان احلى بشر تبيني لعبه في يديك
الله يرحم والدينك لاتسولف عن حلاك
الشمس قبلك سولفت عنك ووصتني عليك
(عطالله فرحان)
لابغيت في يوم تسوي فيني معروف وجماله
ياتجي كلك معايا يا تخليني بحالي
حبه حبه انت ظالم والهوى يبغي عداله
خلنا نطلع من الواقع على الجو الخيالي
انت عمرك شفت واحد يسولف مع ظلاله؟
هذا انا وكثر ما اشعر فيك احس انك ظلالي
(عطالله فرحان)
تعبت اعديها على خير واعذرك
وافتح معك كل يوم صفحه جديده
ماهو عشان الناس كله لخاطرك
سويت منك السالفه والقصيده
حاولت اعدل في مزاجك واغيرك
عشان اطلع منك جمله مفيده
(عطالله فرحان)
صليت شفعي ولا سجيت عن وتري
ومن الوله فاضت انفاسي على ثيابي
قلت اكتب الحب واقطع حيرتي واسري
لين آصل الصبح واشرف على غيابي
حبيبتي مابعدك احباب في صدري
واللي قبل لاعرفك خليهم احبابي
(نايف صقر)
الله على الضحكة نهار المواصيل
هاك النهار الي بعمري فديته
قبل اتقهوى من كسل المظاليل
قبل السلام وقبل جاني وجيته
ضم الحشاء وكسر جمود التفاصيل
ماعندي اغلى من خفوق كويته
(مساعد الرشيدي)
إنك لا تعرفين ما الهَمُّ والـ
ـغَمُّ ولا تعلمين ما الأرقُ
أنا الذي لا تنام عيني ولا
ترقى دموعي ما دام بي رمقُ
أحْرَم منكم بما أقول وقد
نال به العاشقون من عشقوا
صـرت كأني ذبالة نُصـِبَتْ
تضيء للناس وهي تحترقُ
(العباس بن الأحنف)
