ول ياقلبك!
مايجيب الا القهر
ول ياعمرك!
ماعرف طعم الوفا
ولا أنا!
مثل النهر..أبقى نهر
من تحوسه .. ترجع تشوفه صفى
فيني والله إحساس لا منه ظهر!
يشعل ضلوعك اذا قلبك طفى!
(سالم سيار)
هم يحسبون المسأله كلها سلك
إذا انقطع تقطع معاه المسألك
مادروا إني بالاحساس أبادلك
مو شرط أشوفك وأسألك كيف حالك!
أحس بك لو كنت ماني مقابلك
وتحس بي لوكنت ماني قبالك
تدري وش اللي بس يقطع تواصلك
الموت بس الموت.. يقطع وصالك!
(غير معروف)
و انت ياللي تحجج بالهوى عطني دليله
مير ياكثر الهواويه .. ويا قل الأدله!
انت قد الحب يوم انك تجاهد في سبيله؟
و الا ظنك كل من جاهد يبي قلبي وصل له!
اعرف انك يوم تحلم في غرام المستحيله
لا تحرك لك من احساسي و لا حركت ظله
(عبير بنت أحمد)
يا جرح لو تلتهب ماهي على كيفك
الحاجه اللي تذل النفس مابيها
يا جرح لو في خفوقي ماكنٍ سيفك
العزة اللي براسي منت قاويها
يا قلب ياللي جروحك من مواليفك
ناسٍ سعت في عذابك ليش تغليها؟!
(غير معروف)
أمانه قبل أروح وينتهي كل شي طالعني
عشان تعرف وش معنى العطا قبل الأنانية
ابرحل والطريق اللي يوديني مايرجعني
ما أبي يجيني ذكرى حبك وطاريه
(عطاالله فرحان)
