أبيات القصيد - أجمل أبيات الشعر العامي

المشكله

المشكله ماهيب نفسي وزلات قدمي
وماهيب بحة صوت احبه ولا عاد اسمعه
المشكله لا جات من بين دمي ولحمي
مدري من اخلي ولا ادري من اوقف معه
(سعد بن علوش)

المزيد

لا تفكر

لاتفكر في مسائل نتايجها اثام
يكفي ان الوقت ملبسني من الاثم..كوت
آثم.. بس اعرف ويش تاليه الغرام
بين شيخان العقيده وشيخان البشوت
تاليه حب الطرفين ضيعه وانقسام
تنعكس على من يدور لمضناه قوت
السكوت يزين لا صار من حولك كلام
بس ماهو زين لا صار من حولك سكوت
(سعد بن علوش)

المزيد

بين إيديه

أنا أعيش بين إيديه .. يظلمني أو يرحم
في اليد ذا سقمي .. و في اليد ذا المرهم
و إذا ما مسح بيده عليّا يزول الباس
كذب الي يقولون المحبه لها مقياس
(المحضار)

المزيد

السكسوكه

هذاك المار قدامي وله نظرات قتاله
له سكسوكتن حلوه باقصى الوجه مرتسمه
احب امه احب عمه احب جده واحب خاله
اموت بنظرة عيونه واعشق كل حروف اسمه
احب جده واحب هزله,اذوب وحالتي حاله
واذا يطروه قدامي احس بداخلي صدمه
(نهى نبيل)

المزيد

وصيه لقلبي

على قلبي زعلت.. شلون يوم اقول طيعه وطاع!
ياقلبي ماهو كل شي اباقوله لك تطيعه!
(عبدالله بن علوش)

المزيد

ظلم العرب وانصافها

ماعاد يرضيني وفى ولا يزعلني جفى
متساوي في خاطري ظلم العرب وانصافها
ولا تاقف الدنيا على شمع الغرام اللي طفى
بعض الشموع انا اتعمد كسرها واتلافها
تعبت ادور فالقلوب البارده ليلة دفى
والقى استغلال النفوس وكذبها واجحافها
حتى اقرب العالم لو يوقف معك وقفت وفى
اصبر وتدري وش دوافع وقفته واهدافها
(عبدالله بن علوش)

المزيد

البحر

جيت البحر قام البحر يحتفي بي
والموج يتراقص طرب يوم جيته
جيت اشتكي له هالزمان ونصيبي
فوق الهموم جروح قلبٍ مميته
قال السبب..! قلت السبب زود طيبي
قال الثمن..! قلت اش بقا ماعطيته
قال الجزاء..!قلت الجزاْ مادريبي
قال الوفاء..!قلت الوفاء راح صيته
قال النتيجه..!قلت شخص غريبي
قال الوطن..!قلت الوطن مالقيته
(محمد البقمي)

المزيد

صفوة ألعابي

من يوم شفتك وانا طفل ٍ عشق وضعي
طفل يتغابى ويكسر صفوة ألعابي
طفل ٍ نهرته وضجة صيحته سمعي
ومن النكادة يبلل دمعه اثيابي
(الشريف مشاري العبدلي)

المزيد

صرخة العز

يالعنبوا وقت ٍ غدينابه ابشوت
تنطح وتفضح باالمذمة وتنعس
واللي بقى من صرخة العز ياقوت
يوم الليالي لصرخة العز تخرس
(الشريف مشاري العبدلي)

المزيد

كني الجاسوس

ابيه وما ابيه! ولايغيب بكل حزاتي
احبه واكرهه مدري! احبه والعن اوقاته
ليامن غاب عن عيني افكر فيه واحاتي
واذا عندي يضايقني كلامه واكره اسكاته
ماغيب الا لضروره.. واختصر بالحيل غيباتي
وهو لاغاب احسب بالثواني طول غيباته
مابي شوفه وابي قربه ولا ابغا اجيه او يأتي
واراقب كني الجاسوس روحاته وجياته
(فالح البريكان)

المزيد