أبيات القصيد - أجمل أبيات الشعر العامي

مساجين

اطلقت عقبك من عيوني مساجين
يمشون في درب على الخد حافر
واحترت في أصلي .. انا شمع او طين؟
العين ذابت وابيض الوجه صافر !!
(عبير بنت أحمد)

المزيد

بسمة شفاتي

يسألوني وينها بسمة شفاتي
قلت ماتت ما بقى غير الشفاه
دمعتين ٍ فوق خدي من شقاتي
دربها محفور بطعون ٍ حفاه
صوتي المخنوق في آخر لهاتي
ضامي ٍ ريقه يعذبني ضماه
ياعرب وان كان تسترني عباتي
من لقى للجرح في صدري عباه
(حنان آل فاضل)

المزيد

الموت

الدرب واحد وهذا الموت كاسه تدور
وكل ادمي لا بد يعيش لحظة ختام
(طلال الرشيد)

المزيد

لوعه

لو الساعه لها قلب وتحس بلوعة الانسان
حرام لتاقف الساعه ولا تمشي عقاربها
(ضيف الله بن مويسان)

المزيد

يا قلب

يا قلب لا صار الهنا ينسرق سرق
لا عاد تنشد عن ليالي وصاله
غنيت لي طرق وضيعت لي طرق
اثره يشيل القلب فوق احتماله
(سعود بن عبدالله)

المزيد

ان زرتني مشتاق

ان زرتني مشتاق لي ياهلا فيك
وان غبت مرخص شوفتي بالسلامه
مادمت تحمل لي الموده ف انا اغليك
ويعطيك قلبي كل صادق غرامه
وان صد قلبك واصبح البعد طاريك
قل لي ولا يلحقك مني ملامه
لاطالبك ترجع ,, ولاقايل ابيك
على المقفي كيف احس بندامه؟
(سعود بن بندر)

المزيد

وينك؟؟

وينك تجاوب صرختي بسكرة الموت
وينك تشيل أطلال خلك بتابوت
تعال وأنقلني على القبر بسكوت
تعال حقق في مماتي مناتي
ماأبيك تبكي لا ولا تزعج الصوت
لي الشرف لوجيت تحضر وفاتي
(غير معروف)

المزيد

غصبن على عيني

ماقدر اجيك ولانت قادر تجيني
انا اشهد اني بعد فرقاك مارقت
غصب على عيني بشوفك بعيني
ماتدري انك دمعتي لاتضايقت؟
(نايف الرشيدي)

المزيد

لو حسبتك

لو حسَبتك صديق ٍ تستحق الملام
لاغرق العين دمع من الهدَب للهدب
السلام عليكم..وعليك السلام
غيرها ما جمعنا بريق شاي وعتب!
(رواف الرسلان)

المزيد

من حضرتك ؟

سو اللي براسك ولاتذكر اسباب
لاصرت بايعني توكل على الله
مابيني وبينك مشاريه وعتاب
شف دربك الي جيت منه تدله
ماراح تغلبني لو الحب غلاب
من حضرتك عشان قلبي تذله
رح واعتبرني واحد اذنب وتاب
ماني بثوب تلبسه ثم تمله
مايجتمع بالحب صادق وكذاب
رزقي على الله وانت رزقك على الله
(الشاطئ الأخير)

المزيد