انكسرت من الفراق وشوف عيني
شوف عيني وانت تدري بـ انكساري
كل ما مديت لـ وصالك يميني
رحت تتجاهل يميني مع يساري
حتى صرت اشوف جرحك في يديني
في يديني جور صداتك مواري
حس فيها لا.. بلاها حس فيني
لا تعبرها لكن رد اعتباري
(سعد علوش)
سألتك بالذي حطّك على راس المحبة تاج
تحبني ولاّ تتسلى بأحاسيسي ووجداني؟!
وتحتاج لغلا قلبي مثل مالك أنا أحتاج
أو إني بعد ما أفارق حدود الشوف تنساني؟!
(غير معروف)
علامك كل ما قربت لك خطوه تروح أوطان
علامك كل ما لينت لك راسي تصير أقسى
علامك كل ما غنيت لك ياطائر الأشجان
تطير ولا توقع لك على غصنٍ ولا ترسى
(سعد الشعلاني )
قالوا يحبك ؟ قلت هذا هو الويل
ماودي انشد ثم رفضه يجيني
واهدم رجاي بدبرتي مثل ما قيل
والافضل احيا با الامل لو لحيني
ياحبكم يا ناس للقال والقيل
والامر لو هو سهل يصبح مهيني
خلوني احيا في الوهم يا عواذيل
وش دخلكم والامر بينه وبيني؟
(سعود بن بندر)
ماكنت افكر في فراقك دقيقه
لولا ان عقلي من سبات الهوى فاق
وشفت ان جمع الشمل ماله طريقه
ولاصار لي قدره على قهر الاشواق
ونور الامل في الوصل يفقد بريقه
ودايم وحنا باالاسم بس عشاق
اظهر لي الواقع ومر الحقيقه
كلش يقول افراق وافراق وافراق
(سعود بن بندر)
