أبيات القصيد - أجمل أبيات الشعر العامي

اثر يديني

حان الفراق وتم توديع غالين
قسوة زمن وظروف ماهي رحومه
ومسكت نفسي تقل ما صار شين
اخشي على خلي يشقق هدومه
ثم قلت وش تنطر حبيبي لهالحين ؟
اثر يديني ماسكاتٍ كمومه
(عابرة سبيل)

المزيد

حيره

لا قال لي ردي .. ولا قال لي روحي
لا هو مريحني ولاهوب مرتاح
يغيب ويعوّد يفتق جروحي
واذا استجد الجرح لوح لي وراح
واضحك واجامل وادعي بالفروحي
وبداخلي نار وتجاريح وصياح
(عابرة سبيل)

المزيد

وش اقول له ؟

باكر يجي ياشيب عيني من الويل
من عقب ما سافر سنين مديه
وش اقول له؟ صاروا عيالي رجاجيل
وش اقول له؟ ماني بعهده وفيه
ان قلت له اني تعذبت بالحيل
وان قلت له اكبر عيالي سميّه
يبي يعذرني ويترك القال والقيل
ولا يجي ويـّا زماني عليـّه
(عابرة سبيل)

المزيد

يا صاحبي

ياصاحبي بس تكفى لا تجنني
ماعفت من ضرّني وشلون خلاني ؟
حتى الذي ضرني لاضاق يحزّني
ماعندي اعداء كل الناس صدقاني
وإن كان قلبي حقود..الله يلعني
وإن كان مالي شرف..عساي للفاني
(عابرة سبيل)

المزيد

الكرامة

والله ما عمري تبعت المقفين
وان هان عمري ما تهون الكرامة
(غير معروف)

المزيد

غربة بلا عنوان

جميع الذكريات اللي غدت في قفرة النسيان
يحاكي حلوها عبره بموق العين سبّاحه
خذتني غربةٍ عنوانها غربه بلا عنوان
ابي عقب التعب راحه لقى فيني التعب راحه
وروح ٍ تايبه كانت تبي لذنوبها غفران
خطاي انّي كتمت اسرارها بعيون بواحه
انا يمـّه غلطت ولاني اول واحـدٍ غلطان
ابونا آدم من الجنه خرج باسباب تفاحه
(محمد الدحيمي)

المزيد

إنـّا لله

اشهد اني لغيره بالغلا ما عطيت
واشهد انه بغاني مير مامن عوين
صحت من قلب ياويلي على اللي هويت
وقمت امسح دموعي من يسار ويمين
لا طرالي حبيبي بصوت واطي حكيت
إنّا لله وإنّا للولي راجعين
(عابرة سبيل)

المزيد

أمومتي

عقب البطا أرسل عليه سلامه
يطلب ويرجيني يبي تضحياتي
مقدر اضحي بالشرف للملامه
وأمومتي ترفض أيتّـم بناتي
ان ما حصل لقياك يوم القيامة
ماظن تحصل شوفتي ياغناتي
(عابرة سبيل )

المزيد

العين بالعين

ما ارضى اخونك ولا ارضى اعيش منحرفه
ماهو عشانك عشان النفس والعالم
درب الخيانات لو اموت ما اعرفه
لكن ياعمري .. تحاشى ثورة الحالم
(عابرة سبيل)

المزيد

ادخل على الله

مدري رجا مدري وفا مدري احساس
انطرك وادري قلت لي منت راجع
يامن سوت عينه مخاليق واجناس
ادخل على الله .. لا تزيد المواجع
(عابرة سبيل)

المزيد