أبيات القصيد - أجمل أبيات الشعر العامي

عطني بقايا

عطني بقايا قلبك ابني بَه الشوق
الطير يبني من بقايا الشجر بيتّ
(غير معروف)

في غيبتك

في غيبتك كل الملا عندي اغراب
لاحدٍ أبي قربه ولا احدٍ يبيني
(بدر بن عبدالمحسن)

تعال

تعال اجلس وسط صدري وبدّد وحشة الوجدانْ
وإذا حسّيت بالوحدة تسلّى ورتب ضلوعي!
(غير معروف)

الوقت

الوقت يومه يحنْ النفس وش خصّه!
لا الجَرحٌ جرحه ولا العبرات عبراته
(عبدالمحسن بن سعيد)

ياليتني..

ياليتني بينك وبين المضرّه
من غزة الشوكة إلى سكرة الموت
(سعود بن بندر)

قاموس الكلام

نفس اللغة بس قاموس الكلام اثنين
نختلف في الورق في الحبر في الطبعة
نختلف في اختلاف الشكل والتلوين
حتى بخطوط الكتابة النسخ والرقعة
(محمد عبدالرحمن)

عن فرض ربي

عن فرض ربّي ماتهاون ولا اغيب
مكه وانا فـ انجلترا قبلةٍ لي
(خلف بن هذال)

عين المحْب

وين ألتفت بالكون..ماثل ألاقيك
وعين المحب أحيان ترسم طريقه
أشوف دربي من ضيا نور عينيك
تكفى حبيبي لا تغمض دقيقه
(نجاح المساعيد)

رغم الغياب

أنت الحقيقه في حياتي ومازلت
رغم الغياب أقرب للأعماق مني
(نايف المطيري)

تذكرين..

تذكرين أثنين صكـّوا بينهم بابّ المواجه؟
قالت انت تشتكي قصه عليك ابغى اشتكيها
قلت طيّب تعرفين اتعس رجلٍ يصعب علاجه!
قالت اللي حب له بنتٍ لا تجيه ولا يجيها
(غير معروف)