لولاي أعرف الموت حق وتصبرت
إن كان طحت من القهر والظليمه
ماتت وانا ياسعود من يومها صرت
اهد حـزني في كل ليله واقيمه
ياسعود ماهو بس انا اللي تأثرت
جدار غرفتها تساقط هشيمه
سريرها.. مذياعها..وإن تبصرت
كل هالدنيا بموت شرعا يتيمه
(محمد الحويماني)
وشلون ما أصيح؟ وأكشف أوراقي؟
وأسمك مثل حلم ماني قادر أوصله
آه لوأوصلك ويلك من عناقي
وان مت في سكتتك هذا الشرف كله
تصدق ان حبك خرب اخلاقي
لاني اذا شفتك اطنش كل خلق الله
(غير معروف)
يامطر جيتك وانا قَطرة مويه
يابحر جيتك وانا ضِفّة نهر
ياسيدي سلطان يالحر النزيه
لي سؤالاً حير(ن) طول الدهر
الرجل لاضاقت الدنيا عليه
يزبنك والاّ يموت من القهر؟!
(شاعر شمري)
