أبيات القصيد - أجمل أبيات الشعر العامي

الهجر

قالوا العذال والعذال مرضى
وش بلى حالك من الأشواق قاضي
قلت يهجرني حبيبي لين يرضى
علموا الظالم ترى المظلوم راضي
(بدر بن عبدالمحسن)

المزيد

جرب هبالي

حبيبي والغلا نورس حبيبي والحلا طاووس
وانا شاعر "كذا" مجنون في رسمك وتلوينك
تعال أفجّر معك بلونة الأرض بطرف دبّوس
تعال وجرّب هبالي وشم الورده بعينك
(عبدالمحسن سعيد)

المزيد

ياحبيبي

ياحبيبي والمشاعر مقبلات ٍ مدبره
وش تبي؟ طبْ وتخيّر ممتلي هالقلب همّ
انكسر فيني بياض ولا لقى من يجبره
وانولد جرح ٍ جديد وهاك الاول ما التئم
(بدر العطيات)

المزيد

وش يحتريني!!

أحـس كني فاقـد ٍ كـل ذاتي
مدري وش اللي بعدها يحتريني
من غاب ياللي حضوره غناتي
وانا ادري ان اقصى المواجع تبيني
(إنتظار العتيبي)

المزيد

قبل اعرفك

قبل اعرفك كان طعم العمر فاني
ومن لقيتك .. لذ ْ لي مافيه كلـّه
(سعود بن بندر)

المزيد

قصة حب وهمية

يابنت إنتي على بالك أباخذ من بنات الشات
أجل مجنون أنا يابنت أشيل العقل بيديّه
ترى أكبر شي يربطني معك جوال أبو شاشات
وهاتف ينقل أشواقي على نبرات سلكية
وترى كل العلوم اللي عطيتك بالهوى كذبات
وحتى دمعتي يوم الفراق الصعب كذبية
هذاك اليوم ماهلت عيوني لجلك الدمعات
لأن الدمع ماينثر بقصة حب وهمية
(غير معروف)

المزيد

يا ثقلي

يا ثقلي ويا مقوى عزومي ويآ صبري
أجآمل على جرحي وآنآ آشوف دكتورة
(سعد بن جدلان)

المزيد

آخر اخباري

قالت : يابعد حييّ .. صدف بحري ومحـاريْ
طعم هـالموت ما ألذه .. طعون الحب جربها
وش افضحلك من همومي وش افشيلك من اسراري
طعنت الشوق في غيرك ولادري وش عواقبها
أبدّ لا تهمك طعوني خـناجرها انا شـاري
حلات المُوت بعيونك تكـّفنٌيْ حَواجبها
(غير معروف)

المزيد

مقدار حبي

مقدار حبي عالم ٍ فيه ربي
ولا الموازين لغرامي ظلومه
لا لاتقارن حب امك بحبي
أخاف من عينك تطيح الأمومه
أخشى يقولون عنك ماهو بمتربي
مابي أشاركك في عقوق الرحومه
ياغايتي ماعاد فيني أخبّي
حبّك تعدى حدود نفس ٍ كتومه
مابيك تسأل عن مقادير حبي
بكره مع الأيام تطلع علومه
(عابرة سبيل)

المزيد

حتى انا كذاب ..

حتى انا كذاب ماهو بس انتي
وشهوله ازعلْ لو كذبتي عليّـه
خنتك كثير ، وشفيها لو يوم خنتي
لاني وفي ٍ لكْ ولا انتي وفيّـه
لا اليوم لي صرتي ولا امس كنتي
انتي خطيّـه مثل أيّـت خطيـّه
آسف لنفسي منكْ وآسف لك انتي
وادري اعترافاتي شويّه قويّه
(طلال العبدالله الرشيد)

المزيد