دق ولا تراني ماني بداق
أنا لو أني مزعلك دقيت
تعوذ من بليس وتزين ألأخلاق
وتلفن وحاضر ولا تلفن من البيت
شغل جهازك وأشحنه بعد ألأغلاق
ودق لجهازي يعملك كلوز ليت
خل أتصالي يقول مشتاق مشتاق
والذبذبات تقول مليت مليت
(سعد بن علوش)
ماعاد أنا مشتاق ولا أنت مشتاق
أنا رقدت البارحه وأنت مامسيت
هذى أنت دايم تقلب الصحبه خناق
ودايم تغلى ولا أنا ماتغليت
صح أنك لي لذة وصاله فراق
وصح أنك ليا كل مارحت ماجيت
لا كني أحبك ومن كثر منساق
أشوفك بصوتك كل ماأقبلت وقفيت
(سعد بن علوش)
سواليف، قالوا فيك وإلا قالوا في
هذي مالها خانة وذي مالها خانة
لكم دينكم ياهل الحكايا وديني لي
ويبي يحاسب ابن ادم على منطق لسانه
ورفيق يعاتبنا ويزعل على اتفه شي
مانبغي معه رفقة ولا نبغي ميانة
علينا من الدنيا ضغوط ماهيب شوي
وهو يحسب ان الله خلقنا على شانه
(محمد بن ذيب الشايب)
