مجنون زعلاتك

تزعل واراضيك واتلذذ بتزعيلك
تبي الصراحه انا مجنون زعلاتك
لاقمت تبعد وانا اقرب وادنيلك
وامسك طرف غترتي وامسح دمعاتك
وتبدي تعاتب وانا كلي انتباهي لك
ماني بيمك انا عيني على شفاتك
(حمد السعيد)

اتعس الخلق

أتعس الخلق من يرجي هواك
ما أضيع النبض في قلب الصنم
(غير معروف)

يا دموعه

يا دموعه ليه يبين لي خضوعه
ليه يجرح كبريائه في رجوعه
يوم أنا اتمنى وصاله صد عني
يوم جافيته ولهتي يا دموعه
(طلال السعيد)

يمين الله

يمين الله لاعلمك التحدي كيف
واعلمك القصيد شلون يخضعلي وانا بنيه
واعلمك السما وشلون تمطر والليالي صيف
واعلمك المذاهب الاربع وتبيت النيه
انا بقولها لك جد ترى ماينفع ياحيف
واذا انك انس ياعمي تراني ساس جنيه
انا ماردلك شوري وشوري مثل حده السيف
ليامنه بتر يبتر بوقت السلم والهيه
(الراسيه)

احساس

تسقيني "احساس "على شربة أدمنت
ولو كل حي تاب ماتبت عنّه
أشد و أنزل وفي رحابك توطنت
عمري بقربك ينحسب وسط "جنة"
ان رحت والإ جيت تبقى كما أنت
الله فرضك وصرت بالعمر "سنة"
(غير معروف)

تطلب عيوني

تطلب عيوني وأنا أقول لك سم
وأعطيك مطلوبك لانك حبيبي
ماني بهوى غيرك مولع ومهتم
لو هو نصيبي قلت مابي نصيبي
صوتك دوا قلبٍ(ن) يحبك ومغرم
معقول أدور طب وأنت طبيبي
(سعد القحطاني)

الفعايل

أحدن فعوله بالمراجل تثابيت
واحدن يشابه بالفعايل خواته
(غير معروف)


يا بنت

لا ترخصين النفس يابنت تكفين
بعض البشر مايستحق الموده
يلعب على كل العذارى بحبلين
والدرك الاسفل يا العزيزه مرده
(الراسيه)

ارحل

خلصت من دنيا المتاهات والغي
ماعادلي فيها علاقات واصحاب
كلاً عرف دربه ولا عاد به شي
يستاهل التجريح ياأعزالاحباب
ارحل وأنابرحل عن الشمس والفي
من دون حتى ماندور عن اسباب
(عايض محمد الحربي)

طبع البنات

سمه دلع سمه غرور وعوابه
سمه مزاج يعشق اللي يناجيه
سمه قساوه قلب سمه صلابه
سمه لعانه سمه اللي تسميه
هذي طبوعي والغلا مو طلابه
يانور عيني غير هالطبع مافيه
(عابره سبيل)