ظلالي

وش فايدة قربه وكنه ظلالي
دايم معي لكن عجزت استضله
(ضيدان المريخي)

بيت عجمان

قالت اتوشوش قلت طبعن اوشوش
تراش متصله على بيت عجمان
قالت وش انتوا؟ قلت سيلن يطمش
من يوقف بوجه السلاطين خسران
هذا كلامي واعتقد مايخصش
ماغيره لاجلش ولاني بندمان
انا على سلمن ولاهو بسلمش
سلم الرجال مطوعة كل خوان
ماحقرش والله ربي وربش
والهرج فيه اللي هزيلات واسمان
مهما ابتعدتي ماتعدين امش
وانا دروبي ليل وبطون وديان
(حمد بن سعد المسرع)

محال

محال تعيش في روحي
وتسمع رنه أشعاري
يكون في علمك أفهمني
لغيتك والزمن دوار
وعينتك في خارج دنيتي
مطرود إجباري
(غير معروف)

الغلايق

عزاه يا نفسن نوت بجمع الاوصال
يوم الغلايق أشوالها من طلة الناب
(الجسورة)

أنساك لحظة

انساك لحظه واذكرك باقي العام
حتى وانا ناسي نسيت وذكرتك
يا شمس عمري طلعتك تدفي اعوام
ادفا وأنا بردان لو ما لمستك
(ناصر الفهيد)

ياقبـــــــــــر

ياقبر اعز انسان غالي رقد فيك
خفف عليه من التراب الثقيلي
ياقبر ماني طيب عقب راعيك
اللي رعاني صار عندك نزيلي
اغليك انا ياقبر من حب غاليك
مرحوم ياراع الوفى والجميلي
(غير معروف)

ماكل الرجال

ماكل رجالن يسمي على الذيب
والذيب ذيب ويبعدنه ظواري
الذيب ذيب ومرقبه بالمراقيب
ولياهجد ردوه ثم جاك ساري
(غير معروف)

أحبك

أحبك لو تسافر بي على درب التعب أمشيك
حبيبي في زمان البعد قلبي أصدق أحبابك
أحبك جرح مايبرى عسى بعض الألم يرضيك
وألون بالرضى عيني وأسيل دمعةعتابك

(منادي)

ماشفتها؟

ما شفتها
لا ؟؟؟ شفتها
فز الخفوق وخابره
لا فز : يعني شفتها
(غير معروف)

شمسك تساومني

ان كان شمسك تساومني على ظلك
ماعاد أبي شمسك ولافيه
اماتعالي لقلب فز لك كلك
والااتركيني ماابي لك بالهوى جيه
(محمد سعد )