أبيات القصيد - أجمل أبيات الشعر العامي

لا ترجع كذا

غيب مرّه ثانية بس لا ترجع كذا
يا رجوع يعوّض غياب او انسى الرجوع!
(سعد علوش)

مليت

مليت مليت من حزني ومن غلبي
صحيح ماكل شَقٍ ترقعة الإبره
بابيع قلبي .. من اللي يشتري قلبي؟
صبور.. يصلح لمنهو منتهي صبره!
(محمد الدحيمي)

المزيد

تعيش بالوجدان

تعيش بالوجدان ما عاش هالراس
لولاك قلي وش انا عايشٍ له
إن زانت الايام يا شوق لا باس
والا صبرنا لين ربك يحله
(خالد الفيصل)

المزيد

حبل الردى

اوصيك حبل الردى لاتمناه
حبل الردى يقطع جويد الحبالي
واليا بذرت الزرع جود له ذراه
ماينفع الا جيدين الخوالي
يجي نهارن جيد الخال تنخاه
لا صرمن صُم الرمك بالعيالي
(عبدالله عايش التميمي)

المزيد

اخذ صوته

على اللي ما ترك حالي في حالي
واخذ صوته من اذني واخذ شوفه
واخذ جوفي معاه ولا صفى لي
وفارقني وانا جوفي بجوفه
(حمدان الديحاني)

المزيد

سن الشباب

ليت عقل العود في سن الشباب
وحكمة الستين في عشرينها
كان ما جر القدم درب العذاب
وانتهزت ظروفها في حينها
وكان ما ضاعت دقايقها هباب
وكل لحظه أستغل سنينها
كم تركت من الفرص واقفلت باب
بعتها واهل الفرص شارينها !
(خالد الفيصل)

المزيد

حبيت اسلم

حبيت اسلم واعرف اليوم وش حالك
من باب حق الوصال وقدرك الغالي
وبعد السلام وسؤالي عنك واحوالك
كنت اتمناك لو تنشد عن احوالي!
(سليمان الشاردي)

المزيد

مدور الناموس

المدح ماينفع الدنفوس
يبلشك ومقابله عله
خلك مع مدور الناموس
كلن وده قريبٍ له
كثر التجارب تفيد دروس
القرم وإلا الردي خله
(عبدالله عايش التميمي)

المزيد

هرج القفا

ياحسبي الله عليكم ناس
هرج القفا ماتخلونه
هرج القفا عندكم نوماس
لو هو قليلٍ تزيدونه
(عيادة الشمري)

المزيد

احسد المرض

يطيّب الله حالك ياكثير النوا
مالوم الاقدار لا عزّتك واختارتك
مدري احسد المرض والا احسد الدوا
والا احسد اللي خذا موعد على زيارتك
(سعد علوش)

المزيد

بيت مختار

وش فيها عينك صايره مثل ساهر
كل مانظرت عيني تبي تطقها فلاش
أثري سريع بعشقتك وإنت ماهر
ماتدري إني للجزاء دافع الكاش
قلبي وأبيات الهوى حب ظاهر
ومخالفة حبٍ لغيرك على ماش
دخيل عينك ضمني وإنت ساهر
حبك يعيش وحب غيرك فلا عاش
(فارس الشايع)

فارس الشايع

المزيد