أبيات القصيد - أجمل أبيات الشعر العامي

‏كم مجلسٍ ما قد نصوه المناعير
‏ولا ربح به غير جيب المقاول
‏وكم مجلسٍ به يربحون المسايير
‏ربح المضارب في نهار التداول
‏(خالد بن مايقه)

‏الصدف ما هي لميت الشوق مولد
‏الصدف يلقى بها المشتاق حتفه
ما ابي صدفه .. انا محتاج موعد
‏انت موعد معك خير من الف صدفه
‏( سامي العرفج)

‏لو ان التصدق فيه شيٍ بغير فلوس
‏تصدقت باخلاقٍ على بعض خلق الله
‏(خالد بن مايقه)

‏زعلتك البارح ووقف زماني
‏وفكرت باعذاري وأزريت لاحصد
‏اهم حاجه لا تواخذ لساني
‏من كلمةٍ قِيلت على غير مقصد
‏⁧‫(محمد العفيصان‬⁩)

‏الصبح كنه ياخذ النور من نورك
‏ الله .. ياصبحٍ صبوحٍ مثل قلبك
‏ماكنه الا احساسك العذب وشعورك
‏ان خانك التعبير وقلتي لي احبك
‏⁧‫(محمد العفيصان)

‏لا هي واضحة
‏ولا شي ،،،
‏حتى في الحزن حاير
‏احزن على اللي مات
‏والا احزن ،،،
‏على اللي حي !
(سعد الماضي)

‏خل اللقا يحيِي رسوم التجاعيد
‏ياللي على باب الأماني مكانك‏
‏شابت على رجوى الملاقى مواعيد
‏حتى ذبل وردٍ شريته.. عشانك
(غير معروف)

‏العبد يسعى لكن أحيان مسعاه
‏يجني على نفسه ويجلب ولعها
‏واللقمة اللي ما كتبها له الله
‏والله ولو هي في فمه مابلعها
‏⁧‫(خالد بن مايقه)

‏دين الجمايل يدفعه كل رجّال
‏يسدده لو كان في حالة الضنْكْ
‏ولا الردي واللاش وعيال الانذال
‏ما تقبل تسدد سوى سلفة البنك
‏(خالد بن مايقه)

ادق لي رقمٍ وراعيه مدفون
حسبت جواله ليا دق يوحيه
ما اقول لا صاحي ولا اقول مجنون
اقول ملهوفٍ على صوت راعيه
(عبد الرحمن الحربي)