أبيات القصيد - أجمل أبيات الشعر العامي

كلٍ يدسم شاربه فعل يمناه
والطيب كايد والرياجيل يرقون
ناسٍ على فعل الجمايل مربَاه
وناسٍ على فعل الرديه يربون
(عبدالله السهلي)

جعْل كل ايام عمره يوم عيد
صاحبٍ قد شحّ في حنيّته
يحتفل في جيّة العام الجديد
وآنا لين الحين ناطر جيّته
(محمد الشهري)

الحب فالله شي أسمى من إنك تضيق
محبة بْكل ما تعني تجي فاخره
ماتنحكم في طريق وفي نهاية طريق
تبدأ من الأرض وتْوصِّل إلى الآخرة
(سعد المطرفي)

إليا بنيت.. إبن العلاقه على ساس
وأَرْض النفوس اللي تبيك وتبيها
يسرَّك اللي خوّته ترفع الراس
ويبور منهو خوته لِك عليها
(سعد المطرفي)

وجهٍ ليا غاب لو إنه بعيدٍ بجيه
ووجيه ماني بفاقدها ولا يمَّها
(سعد المطرفي)

يا صغري بعين الفرح كل ما التمْ
حولي جروحٍ بالحنايا يا كبره
(فارس الشايع)

‏صبي الغيم يا سلمى لناس ٍ غلابه
‏من عطشهم على الما يحلبون السراب
(الحميدي الثقفي)

يستثير العين من قلب وعقل
شوفته تملا الفراغ العاطفي
النحل لا تحرمونه من العسل
والعسل ليته يقدر موقفي
(موسى هادي)

النوم ما عادت عيوني تهنى به
يا طول ليل الأرق وإحساسه المُجهد
ودي بنومة طفل مرّهقته ألعابه
أو نومة المعّتكف في روضة المسجد
(فيصل العطاوي)

مع اول البرد طاح البرد وامراضه
في صدرها ليتني شلت التعب عنها
يومين فيها المرض ما خفّت اعراضه
معذور، يومين ما يمدي شبع منها!
(صلاح العرجاني)