أبيات القصيد - أجمل أبيات الشعر العامي

جنيت حرمان .. وتجاهلت حرمان
هذا و انا في صدري الهشّ زارعك
متى توقّف لـ اللقى .. وقفة انسان؟
عشان أمرّر دمعتي بين اصابعك !
(ماجد بن مقبل)

ودّي امرّك بس يابايع الورد
محتاج لي فرحه تناسب مروري
(خالد الدوسري)

الشتا مارجع.. إلاّ من ثيابك
وماتلام الثياب ان جالها حنّه
كل جاكيت متعلّق بدولابك
راح يطلع من العلاّق للجنّه
(سعد علوش)

يا اصعب محطة بعمري ماقدرت انتهيك
لا تقصر الرجل من دونك ولا تعبرك
لاقلت ابنساك..فيه غيرك ولا عاد اجيك
انسى كلامي وانسا غيرك واذكرك
(فهد الصعيري)

مكتفي ..
من كل شي .. إلا عيونك
شابعٍ من كل جوع .. إلا جنونك
حالفٍ باللي خلقني ..
لويخون البحر موجه .. ما أخونك !
(صالح الشادي)

ليت مالك في حياتك خويّ ولا طليب
كان ابخشّّك وسط خافقي واقول ضاع
(سعد علوش)

من كثر ماكنت قاسي انا اشوفك سموح
كل حاجه منك شينه .. انا جملّتها
حتى تلويحتك يومك توادعني وتروح
انت ما لوّحت لكن انا تخيّلتها!
(سعد علوش)

معطر الثوب متهندم ومتبخر
مبدع بكل الأمور اللي تولاها
يثني عليه العمل ما يوم يتأخر
وتسأل عليه الفجر ما يوم صلاها
(محمد الدبيسي)

خلّك على قد الحدث هذا فراق
ان مابكيت . .اقل شي، لا تبتسم
(سعد علوش)

صاحبي وان ضاقت الدنيا عليه
بسطت له من فرحة ايامي مدآ
العمر وما تملك يديني في يديه
حتى لو ضاعت سنيني مو سدآ
(محمد العفيصان)