سامحيني ..
كلما حاولت نسيانك ذكرتك !
كلما عديت غلطاتك عذرتك !
كلما حسيت بإني صرت قاسي ..
أشغلت ذكراك بالي وانتظرتك!
(عبدالله البكر)

مطلب عيونـي شوفة المبسم الحي
اللي فدآه ايام عمري وسنينه
ومع الاغاني يآسعد جـآزلي شي
غنّآه ابن عبدو بشوق وحنينه
"انا حبيبي بسمته .. تخجل الضي
يكسف سنآ بدر الدجى من جبينه"
(حمود السبهان)

شمّر ليا تزعل زعلنا زعلها
وتزعل ليا نزعل على الضد وجزال
قبيلة ما بالقبايل مثلها
عظم رقبة ماهي على قرش وريال
واستردفوا صنعة استاذن شغلها
عايبينها لمصادمة كل عيّال
نفزع لنجد اللي هفا حظ اهلها
بتسهيل رب العرش عدال ما مال
ماكل من شرهب لدارن نزلها
حنا لمن يشره على نجد غربال
قولوا لابو تركي فعولن فعلها
في نجد تزعل من للاثقال حمال
دارن عرفناها يدور بدلها
يخلي محلن جالنا فيه مدهال
يرسل ولا تخفا علينا حيلها
لله يقدينا على الزين بسهال
(زآمل بن سالم بن سبهان)

ربي من العسرات ينجي دخيله
سبحانه الوالي على كل والي
الرابح اللي يجتهد في سبيله
ومن الردا شايم وحالف وسالي
(محمد بن حامد الحبابي)

المرض له طعم غير وريح غير
وفيه الأشياء غير .. وهي نفسها
والجسم لامن مرض يصحى الضمير
اغلب الأشياء .. نتايج عكسها
(سعد علوش)

ماهيب بالأخلاق والملح والزول
بنا على شوفة صورها قراره!
يعيرها جل اهتمامه على طول
مايدري ان صورّها مستعاره
(فهد بن عبدان)

نصيحتي لاتمسّك في قناعاتك
بتطير الارزاق لاجا من يطيّرها
غيّر مفاهيمك وجدد علاقاتك
حتى حبيبتْك لامليت غيّرها!
(ناصر بن فهيد)

انا احد هالبشر فالعالم المسرح
ما ادري ليه اتواجد بس ابتواجد
محتار مابين ابي ابكي وابي افرح
عندي فرح واجد وعندي بكي واجد!
(محمد الشويّب)

يا صغيره ترى مافي المحبه كبار
كل عاشق شقيّ وكل عاشق صغير
العشاشيق رحّل والمحبّه قطار
راكب الكرسي الأول مثل راكب الأخير
(سعد علوش)

وفا كل الجفا واللي دفعني أحتويك غياب
وفا أجفاك يا خلّي لجل تشتاق لحضوري
(ياسر حسن الجنيد)