أبيات القصيد - أجمل أبيات الشعر العامي

هيا نعوّض شوقنا بالمواصيل
ناخذ من الحرمان ثارك وثاري
(سعود بن بندر)

ردي الأصل لو شفته صفالك
ترى الأيام عشرتها مصايب
ولو تعطيه من صافي حلالك
ترى الخايب على ماقيل خايب
(علي القحطاني)

أطالبك تقفي وإلى شفتك أقفيت
قمت أتبعك من غير رآي وعقيدة
(سعود بن بندر)

إذا لقيت أحباب لاترخص أحباب
كل(ن) عطه يامشغل البال قدره
(غير معروف )

بعدك انا المشهد اللي صَعب تصويره
تمرّ الآيام و أوضاعي هي أوضاعي
مشتاق لـ الليل و الشرهات و الغيره
و مشتاق لـ اسئلتك اللي مالها داعي!
(سويد الهاجري)

العطْر كائن حي صلب و قوي باس
يشرب من شْعور الاوادم و ياكل
ان كان ما يعمل مشاكل بالاحساس
يخلّي الاحساس يعمل مشاكل!
(خالد سعد الدوسري)

تبيني ارجع احبّك؟ آسف شعقبه؟
انا بقايا من الحب ومن اغلاطي
ما أبشع البحر فعيون المغرّق به!
وما أجمله في عيون اللي على الشاطي!
(سعد علوش)

يؤسفني جداً يا "عربي"
تصنيفك من ضمن الأنس
ماتجرؤ بالطرح الأدبي
الا بالدين وبالجنس!
(عبدالله البرازي)

يارب لاتكشف لي عيوب الأصحاب
خلني على عمياي فيهم ولا ادري
مشكلتي ان أمثالي شوي واغراب
منين أجيب أصحاب من نفس قدري
(سعد علوش)

ما قطع سكينهم حبل الوريد
ولا بقى من حبهم حتى الرماد
الغياب اللي سرقهم من بعيد
ما يرجعهم ولو صدري بلاد!
(سعد علوش)