أبيات القصيد - أجمل أبيات الشعر العامي





وجع حب

وجع حب وجع شعر وجع شوق وجع ضيقه
على كيفك وهاك اختار هذي سلة اوجاعي
غلا واسمع نزيف الجرح كلام الصمت ما اطيقه
انا محتاج اسولف لك عن اول وآخر اوضاعي
(سليمان المانع)

مجنون ليلى

انا اتحدى قيس ماحب مثلي
وهي تحدى عشر مرات ليلى
(المرحوم ابو سامي)

الطير

حزين من الشتاء والا حزين من الضماء ياطير
دخيل الريشتين اللي تضفك حل عن عيني
(مساعد الرشيدي)

ليت ما لك

ليت مالك في حياتك لا خوي ولا طليب
كان باخشك وسط خافقي وأقول ضاع
والله إني أحبك وأحبك وأحبك لين أشيب
يعني لين أموت وأنا أحبك للنخاع
(سعد علوش)


حبيبي تعال

تعال وشوف لي دمعه ابحبسها الين القاك
لعلك تمسح الدمعه يغيب الحزن واشجانه
انا ياصاحبي مدري ذكرتك يوم جيت انساك
وذكرت انك رحلت وقلت هذا الحب واحزانه
(غير معروف)

عاشق ومالي حبيب

الليله احساسي غريب
عاشق وانا مالي حبيب
(طلال الرشيد)

الدلة

بشرب من الدلة ولو كانها سم
ما اهز فنجالي ولا اقول كافي
ما دامه بيمناك وتقولي سم
بسم الله اشرب كل سم عوافي
(غير معروف)

عاقل ولكن

عاقل ولكن طحت في وقت مجنون
لا اخوان في جنبي ولا حولي أعمام
(غير معروف)

لا تقول شتحب

لاتقول شتحب فيني أعشقك كلك
من ليل شعرك لشمسك واخر اقصاها
سميتني نصفك الثاني وياشحك
انا بسميك كلي وانت معناها
(طلال الرشيد)

لا عاش

لا عاش من ينساك يازين لا عاش
ولا عاش من بدل سواكم محبين
بدفع على رؤياك مليون بالكاش
ربحان لو زادوا عليه الملايين
(غير معروف)

‹ First310311312313