ياللي تدق وخافق القلب لك دق
وش فيك تفصل يوم رقمي تدقه!
ياما من اجلك دمع عيني تدفق
واتعبت حالي بالسهر والمشقه
يازين قلبي من عروقه تمزّق
وصدري من هموم الدهر صار رقه
لا تكرر الغلطه ترى هـذي ابحق
والا الرقم ياصـاحبي لا تدقه!!
(عبدالله العتيبي)
ليت الغرابيل جتني من عدوٍ لي
إما تقاضيت والا بيتقاضى لي
لكن من واحدٍ ذكره غناةٍ لي
مازلت احبه وابحبه ولا ابالي
لا مر.. طرّق بخدراته سلامٍ لي
كنه يسلم علي بصوته العالي
خلوني أسج عن موضوعه أحسن لي
وإلّا الغلا والله إن يبطي وهو غالي
(سعد بن جدلان)
