مشاركات بواسطة النازف

روق و هد

والله ماحسبك خصيمي ولا ند
تبطي ولا تاصـل مواصيل جمي
أصبر أذا وقتي قسى بيوم وأشتد
عزمي قوي ياللي تهاونت عزمي
(سنجار) كان انه تزحزح أو انهد
في ساعته حركت شعره بجسمي
ياخي اذا جزرك تحول الى مد
مايعني انك قادر بيوم هدمي
كاني حليم وقلتلك روق وهد
مايعني هذا تطمح تكون خصمي
(زاهد الشمري)

يا اعز الهدايا

يسعد صباحي فيك و يسعد مسايا
مالوم قلبي لو غـدى في هيامه
حبك سطابي وأستقر بحشايا
راسي كما ترسي شوامخ تهامه
يافاتنة يانور كل الصـبايا
بدراً يبدد ظلمتي في تمامه
أشتقتلك والشـوق وأنتي معايا
وفي غيبتك ناراً يزيد أضطرامه
قلبي يجض ويسطفق بالحنايا
ظامه الوقت وقاسي البعد ظامه
دامه معي ما التفت للبرايا
يوم أنفتنت بعينها وفي لثامه
اهلا هلابك يا اعز الهدايا
هديتك جيتك لي بسلامه
(زاهد الشمري)