أبيات القصيد | مشاركات بواسطة: شذى الأزهار

مشاركات بواسطة شذى الأزهار

تصحى عناقيد

قبل الاذان..
تصحى عناقيد الحنان
تنشر عرايش صوتها..
امي تنادي: قم صل
بعض الشراشف طل..
وعلى الوسادة ضي
من هالسديم الحي
بومض النجوم!
(بدر بن عبدالمحسن)

استعرض

دم الأطراف

عندي معاني الشعر تلمس وتنشاف
أن ما جرحك الشعر ما هو ب كافي
وان ما لمس في القلب احساس وشغاف
عدّك كتبته فوق رمل السوافي
لاتحسب ان البحر موج ومجداف
ترى قليل البحر ما كان طافي
(بدر بن عبدالمحسن)

استعرض

قلبي سجد لك

قلبي سجد لك قبل لا يسجد حجاجي
على الثرى اللي تسامى بالنبي أحمد
قصدت مسجد نبيك نادم... لاجي
عن كل جرح وحزن وهاجس أسود
يا هل المدينة سلام كثر ما هاجي
نسيم صبح وناح الراعبي وغرد
على الذي له في عالي الفلك معراجي
نبينا اللي اصطفاه الخالق الأوحد
لاجيب طيبه تهدم برجي العاجي
ظهرت من مثل قبري عاري أجرد
(بدر بن عبدالمحسن)

استعرض

شوك الورق

شوكٍ منابته الورق لا تمسه
احذر قصيدي لا يجرح اناملك
ورملٍ قصيدي..هالكٍ من يعسه
وش لك بصحرا من دخل رملها هلك
حبله طويل و نادر اللي يمسه
وده يشدك من عمس خاطرك سلك
دور كلامٍ يعجبك ما تحسه
حكيٍ خروجك منه يشبه مداخلك
و انت الحظيظ و كل همٍ تدسه
مثل المرض.. لابد في يوم يقتلك
(بدر بن عبدالمحسن)

استعرض

تضيع الهقاوي

تضيع الهقاوي فالبشر والأمل ما ضاع
تهاوا صخور الضلع ما طاحت القمة
فلا تضيق يا صدري مدام الفجوج وساع
ولا تحيد ياقلبي ولا تضيع اليمه
ترا الناس ماترحم على طيحة الفزاع
ولاغرك ان الناس بالناس مهتمه
ولا ينثني عزمك ولا تشتكي الاوضاع
لي ذميت فالاشخاص فالوقت لاتذمه
(سعيد بن مانع)

استعرض

كافي الليالي

كافي الليالي زود همٍ وهوجاس
الوقت راح وباقي العمر مطرود
من صارع الدنيا على كل مـرواس
لابد ما تخذلـه خـلان وعضـود
ومن لا يعذر الناس ما يبخص الناس
للطيب حد .. وللردى ماله حـدود
ومن لا يعرف الدرب من وين ينداس
إما يضيع او ياجد الدرب مسدود
(بدر بن عبدالمحسن)

استعرض

وداعة الله يالرياض

تجرح الليل ونزف
ضيه على السور العتيق
والريح حاديها عزف
لحن المسافر والطريق
وقف على المصمك وحيد
صامت تهزه عبرته
يودع اطراف الجريد
والا معارف مهرته
ناداه صوتٍ من بعيد
حول ترى حنا شديد
ولو كان يمنع هالفراق..
دم على كفوفك يراق
سيلت هالوادي..وادي حنيفه
خيل مثل دمي شقر..وسيوف رهيفه
وداعة الله يالرياض..
وداعة الله يالرياض!
(بدر بن عبدالمحسن)

استعرض

قالوا العاذل..

قالوا العاذل بذمّك شرق
قلت ما اظنه لمدحي يطيق
كنه الشوك في ثوبي علق
يوذي الشوك ما يقطع طريق
كثر ما شوه العج الشفق
وقص من جيده عقود العقيق
اتركوني على باقي عبق
غيمة العطر من عمري العتيق
(بدر بن عبدالمحسن)

استعرض

طال النهار..

طال النهار
ابسألك
حنا نعيش اللحظه والا نعدها؟
نركض على سطور الزمن
ونقرا من كتاب الزمن صفحه
عشان الصفحة اللي بعدها
أجمل من نجوم السما
إني أنا وانتي انتساءل
يا ترى ... يا ترى وش بعدها
(بدر بن عبدالمحسن)

استعرض

شعور السعادة

من اللي يسلفني شعور السعاده
وأهديه عشر سنين من عمري الجاي
لولا التشبث بالأمل والإرآده
لقيتني مجنون رسمي وبكاي
أحس أن بكره مجرد إعاده
لليوم واللي قبله وهذي دنياي
الألوآن واجد بس كل شي ساده
العيب في الألوان وإلا فرؤياي
أنا حزين إن الحزن صار عاده
ياليتني مخطي وأعرف وش خطاياي
أهديت للدنيا قصيد وسعاده
لكنها ما رجعت لي هداياي
(سعد علوش)

استعرض