أنتي اية محبة
لا حلال ولا حرام
واللقاء يا صعب دربة
كله وعر وعتام
عاشقك يا غبي قلبة
ومتحمل بخل السلام
فالحة بتهييج العواطف
فالحة بتعطير الظلام
(عبدالله الضبيعي)
تجرح الليل ونزف
ضيه على السور العتيق
والريح حاديها عزف
لحن المسافر والطريق
وقف على المصمك وحيد
صامت تهزه عبرته
يودع اطراف الجريد
والا معارف مهرته
ناداه صوتٍ من بعيد
حول ترى حنا شديد
ولو كان يمنع هالفراق..
دم على كفوفك يراق
سيلت هالوادي..وادي حنيفه
خيل مثل دمي شقر..وسيوف رهيفه
وداعة الله يالرياض..
وداعة الله يالرياض!
(بدر بن عبدالمحسن)
