يا حزن كبدي حزن من ضاق ثم حام
اخذت فروخه ما درى ليه ولوين ؟
بعد ما شاف العش عيدان وعظام
خالي تفكر فوق .. ويسار ويمين
خلّى عشاها فيه ومن الوطا شام
زبن على روحه وفل الجناحين
(محمد بن فطيس)
العلم نور ولا يجيك النور إلا بكهربا
والكهربا خطرة اذا تلعب يصيبك إلتماس
والجهل ظلمة ليل .. ياهو من تغيبي أو غبا
لذلك المرء ان جهل حاجة يحاربها بحماس
والصبر مفتاح الغنيمة والغنيمة ما تبا
إلا صميدع يقلب الدنيا بعقل وقو باس
(فهد الصعيري)
