يا حزن كبدي حزن من ضاق ثم حام
اخذت فروخه ما درى ليه ولوين ؟
بعد ما شاف العش عيدان وعظام
خالي تفكر فوق .. ويسار ويمين
خلّى عشاها فيه ومن الوطا شام
زبن على روحه وفل الجناحين
(محمد بن فطيس)
هذاك انا اضيع لا طالعت نظراته
بعيونه السود يسمح لي ويمنعني
احلى علامات في الدنيا علاماته
متع نظر من شافه ومتعني
خلوه يخطي انا راضي بسياته
يخطي بكيفه ولكن لا يقاطعني
من كثر ما اغليه صرت افرح بزلاته
ولو قلتوا أخطا عليك اقول: وش يعني؟!
(خالد المريخي)
