أبيات القصيد | مشاركات بواسطة: عنود

مشاركات بواسطة عنود

اصبحت احبك

الارض فكت للشروق الازارير
والنور طل وذاب وجه الاهله
وطارت من اغصان الحنين العصافير
واصبحت احبك واصبح الملك لله
(سامي العرفج)

استعرض

موت الحياة

عمرك اللي ما طلع لك فيه شيّ
ويش تفرق روحته من جيّته
كنت ميّت بالحياة وصرت حيّ
والحياة أحيان تصبح ميّته
(سامي العرفج)

استعرض

افتح خيالك

إذا السما سدّت عليك المنافذ
تقدر تسوّي لك سما من ترابك
إفتح خيالك مثل فتح النوافذ
طُلّ وتشوف الغيم واقف بْبابك
(محمد علي السعيد)

استعرض

احبابنا

احبابنا قفّى بهم موت وفراق
واخواننا نادى قدرهم وراحوا
واصحابنا اللي كنهم مثل الأوراق
هزّتهم ايام الشدايد وطاحوا
(سامي العرفج)

استعرض

يارب عفوك

يارب عفوك راحت اعمارنا ذنوب
يارب من كثر المعاصي تعبنا
نستغفرك اليا اصبح الصبح ونتوب
وإن جاء المساء ما كننا الصبح تبنا
(سامي العرفج)

استعرض

بيت مختار

من اولاً فالعلم نرقى الطويلات
واليوم مانرقا سنام الطوالي
الغرب اصبح عارفاً فالمجرات
وحنا على الصحرا نسوق الجمالي
نسمع عن الغايب كثير الحكايات
انه بني يعرب رقا فالمعالي
واليوم كلن تايهن بالمتاهات
ودرب التفوق صار صعب المنالي
ياستاذ حيثك عارفاً بالمعانات
وش صابنا ياستاذ؟ حل السؤالي!
(احمد مطر الهاجري)

فيصل

المزيد