يالموتر اللي قبل عامين مشراك
كلفتني الآف سبة خرابك
يا متعب قبالك ويا شين فرقاك
جننتني بحضورك وفي غيابك
بعتك وبقفي عنك من دون حياك
وان كان قلبي عاد يعشق جنابك
(محمد بن ناجي الخارفي)
ودنا بالطيب بس الدهر جحّاد طيب
كل ما تخلص مع الناس كنـك تغشها
كل ماشبيت نار المحبة مـع حبيب
قام يسحل فـي مشاهيبهـا ويرشها
يدك لامدت وفاء لا تحرّى وش تجيب
كان جاتك سالمة.. حب يدك وخشِّها
وكل ما صادفت لك فالزمن وجه غريب
مثل ماقال المثل دام تمشي مشها
وذمةٍ ماهيب تندان للحق المصيب
جعل قشّاش الحطب لاسـرح يقتشها
(سعد بن جدلان)
