ماهضم قدر القبايل شام والا من يماني
ما خبرنا في العرب رجلٍ وله لابة يضام
ولاتحسب اني بجامل في عريبين المجاني
الكريم يفور دمه لا سمع سب الكرام
(سعيد الحمالي)
بعادي هو سبب همك؟ جعل يفدونك الاحباب
تعال وشرهتك عندي وباب البعد ينسدي
تعال وخل احاسيس الغلا في خافقي تنساب
ترا ما اقدر على بعدك انا احاكيك من جدي
خلاص اليوم ماني حاسبة لاحدن سواك حساب
ماعاد ابعد عن عيونك ولو هالكون ينهدي
خلاص اليوم..لاحيرة..ولا لوعة.. ولا استغراب
انا اتحدى البشر لاجلك ولاجلي انت متحدّي
(البندري)
